Ronaldo DÇ-2026-da oynamaq üçün...

Bir müddət əvvəl Kriştiano Ronaldonun “Əl-Nəssr”dən vaxtından tez ayrılmaq haqda düşünməsi ilə bağlı şayiə yayılmışdı. Artıq bu iddianın əsassız olduğunu düşünmək mümkündü.

“Football-plus.az” xəbər verir ki, ona görə ki, 38 yaşlı hücumçu Səudiyyə Ərəbistanı klubu ilə müqaviləsinin müddətini 2027-ci ilə qədər uzatmaq istəyir. Bu barədə jurnalist Əli Əl-Hərbi məlumat yayıb. Onun bildirdiyinə görə, ulduz futbolçunun növbəti hədəfi 2026-cı ildə keçiriləcək dünya çempionatında oynamaqdı. Kriştiano bundan sonra karyerasını başa vurmağı planlaşdırır. O, mundiala qədərki dövrü “Əl-Nəssr”də keçirməyə hazırdı. Portuqaliyalı futbolçunun hazırkı müqaviləsinin müddəti 2025-ci ilin yayınadək nəzərdə tutulub.

Ronaldo Səudiyyə Ərəbistanına 2023-cü ilin yanvarında yollanıb. Hücumçu bu mövsüm “Əl-Nəssr”in heyətində 11 oyuna çıxıb, 11 qol vurub və 6 məhsuldar ötürmə verib. Kriştiano hazırda ölkə çempionatında 10 qolla bombardirlərin siyahısına başçılıq edir.