“Brügge”nin yeni baş məşqçisi müəyyənləşib.

Football-plus.az xəbər verir ki, Belçika klubuna Skott Parker təyin edilib.

İngilis mütəxəssis ötən ilin dekabrında istefaya göndərilən Karl Hofkinsə xələf olub.

Xatırladaq ki, Parkerin sonuncu iş yeri “Bornmut” olub. Bu klubdan 2022-ci ilin avqustunda premyer-liqada “Liverpul”a biabırçı məğlubiyyətdən (0:9) sonra istefaya göndərilib. O, daha əvvəl “Fulhem”i çalışdırıb. Qeyd edək ki, “Brügge” Çempionlar Liqasının 1/8 finalında “Benfika” ilə qarşılaşacaq.