“Vilyarreal”ın yeni baş məşqçisi məlum olub. Komandanı bundan sonra Kike Setyen çalışdıracaq.

İspaniya klubunun rəsmi saytının yaydığı xəbərə görə, onunla müddəti 2024-cü ilin yayınadək nəzərdə tutulan müqavilə imzalanıb. 64 yaşlı mütəxəssis baş məşqçi vəzifəsində “Aston Villa”ya üz tutan Unay Emerini əvəzləyib.

Xatırladaq ki, Setyenin sonuncu iş yeri “Barselona” olub. O, bu klubdan 2020-ci ilin avqustunda ayrılıb. İstefaya göndərilməsinə isə komandanın Çempionlar Liqasının 1/8 finalında “Bavariya”ya biabırçı hesablı (2:8) məğlubiyyət rəvac vermişdi.