İlk oyun Rumıniyanın paytaxtı Buxarestdə keçirilmişdi. “Football-plus.az” bu ölkədə yaşayan həmyerlimiz Abbas Zahidinin düşüncələrini öyrənib:
“Digər azərbaycanlıların fikirlərindən xəbərdar deyiləm. Biz o qədər də sıx yaşamırıq və bir-birimizi tədbirdən-tədbirə görürük. Fikrimcə, "Sabah" 1-ci oyundan sonra səhvləri üzərində işlədi, sona qədər vuruşdu. “Hapoel” zəif komanda deyil, amma “Sabah” da sübut etdi ki, onlarla oynamaq olar. Əlavə vaxtdakı qırmızı vərəqə lap yerinə düşdü. "Sabah" daha soyuqqanlı komandadı, ona görə də 120 dəqiqə dözə bildi. Üstəlik 2-ci oyunun Bakıda olması bizim üçün avantajı daha da artırdı. Rumıniya mətbuatında hər kəs bu barədə danışır. “Facebook”dakı şərhlərdə isə bəziləri zarafatca belə deyirlər: "FCSB “Sabah”ı örnək götürsün", "Sabah” ÇL-də ən qorxulu rəqibdi".
İSRAYIL XEYRULLAYEV
