Fransa çempionatında 30-cu tur çox maraqlı alındı.

"Football-plus.az" xəbər verir ki, “Lion”u qəbul edən PSJ 1:2 hesabıyla uduzdu. Artıq 6-cı dəqiqədə “şirlər” hesabı açdı. Hakimi ilə sərt mübarizədə qalib gələn Moreyra incə ötürmə ilə Endriki zərbə mövqeyinə çıxardı. Paçonu biranlıq qabaqlayan braziliyalı forvard Safonova heç bir şans vermədi. 18-ci dəqiqədə ilk qolu təşkil edənlərin rolu dəyişdi: bu dəfə Endrik ötürdü, Moreyra vurdu. 33-cü dəqiqədə qonaqların qapısına təyin olunan penalti dönüş anı ola bilərdi. Ancaq Ramuş qapıçı Qreyflə mübarizədən məğlub ayrıldı. 39-cu dəqiqədə çempion daha bir zərbə aldı: komandanın ən vacib oyunçularından biri Vitinya zədələnərək yerini Zair-Emeriyə verdi. 59-cu dəqiqədə üçlü dəyişikliyə əl atan Luis Enrikenin bu gedişi müəyyən mənada nəticə verdi. Oyuna sonradan qoşulanlardan Kvaratsxeliya uzatma dəqiqələrində qollardan birinin əvəzini çıxdı. Qoldan dərhal sonra final fiti səsləndi. Cari mövsümdə 5-ci dəfə uduzan PSJ artıq kürəyində “Lans”ın isti nəfəsini hiss edir.

“Lans” da çətinliklə qələbə qazandı. “Tuluza”nı qəbul edən “qan-qızılılar” artıq 13-cü dəqiqədə 0:2 uduzurdu. Ancaq 17-ci dəqiqədə birbaşa qırmızı vərəqə ilə meydandan qovulan Qboo onların “qanının arasına girdi”. Bununla belə, “Lans” sayca üstünlük fonunda belə ilk yarı boyunca inert göründü, heç nə ilə yadda qalmadı. Ancaq fasilədən sonra oyunun xarakteri kəskin şəkildə dəyişdi. Meydan sahiblərinin total təzyiqi 61-ci dəqiqədə ilk qolu gətirdi. 6 dəqiqə sonra Tomasson dəqiq zərbə ilə hesabı bərabələşdirdi və tribunalar dayanmadan meydan sahiblərini irəli səslədi. Nəhayət, 90+1-ci dəqiqədə müdafiəçi Qanyu qələbə topunu vurdu. PSJ-dən bir xal az toplayan “Lans”ın bir oyun artıq keçirdiyini də unutmayaq.

Turun başqa maraqlı hadisələrinə gəlincə, səfərdə gözlənilmədən “Loryan”a uduzan “Marsel” 4-cü pilləni “Lion”a təhvil verməli oldu. “Şirlər”i “Renn” də qarabaqara izləyir. İş ondadı ki, Konfrans Liqasının 1/4 finalında “Maynts-05” üzərində parlaq qələbə qazanan “Strasbur” hesabat turunda evdə məhz “Renn” önündə darmadağın oldu.

Avrokuboklara vəsiqəyə iddialı “Monako” da evdə xal itirdi. “Oser”lə oyunda ilk yarıdan sonra 0:2 uduzan “knyazlar” 2-ci hissədə yalnız hesabı bərabərləşdirə bildi. “Anje” – “Havr”, “Nant” – “Brest” oyunlarında məhsuldar, “Lill” – “Nitsa” oyununda isə qolsuz heç-heçə qeydə alındı. “Paris” isə səfərdə aşkar autsayder “Mets”in öhdəsindən gəldi.

30-cu tur
PSJ – Lion 1:2
Kvaratsxeliya, 90+4 – Endrik, 6. Moryra, 18. (47926)
PSJ: Safonov, Hakimi, Zabarnı, Paço, Ernandes, Vitinya (Zair-Emeri, 39), Beraldo, Mayulu (Li Kan İn, 59), Barkolya (Ruis, 72), Ramuş (Dembele, 59), Due (Kvaratsxeliya, 59).

Loryan – Marsel 2:0
Katseris, 28. Dyenq, 58. (16585)
Marsel: Rulyi, Pavar, Balerdi, Emerson, Traore, Höybyerq (Vermeren, 76), Abdelli (Nadir, 59), Payşao (Vea, 46), Qrinvud, Quiri (Nvaneri, 59), Obameyanq (Əl-Kadmiri, 76).

Monako – Oser 2:2
Fati, 56. Baloqan, 59-p. – Danua, 11. Sinayoko, 33. (8473)
Monako: Qradetski, Kerer, Mavissa, Fas, Teze (Kulibali, 77), Zakariya, Bamba (Adinqra, 46), Dyatta, Akliuş, Fati (Qolovin, 78), Baloqan (Biret, 88).

Lans – Tuluza 3:2
Əbdülhəmid, 61. Tomasson, 67. Qanyu, 90+1 – Kasseres, 6. Kumbassa, 13. (38000)

Strasbur – Renn 0:3
Lepol, 20. Embolo, 50. Əl-Tamari, 52. (29000)

Anje – Havr 1:1
Piter, 28 – Bufal, 13. (12762)

Nant – Brest 1:1
Məhəmməd, 9 – Şardonne, 90+6. (24899)

Lill – Nitsa 0:0
(40159)

Mets – Paris 1:3
Kvilitaya, 31 – Qori, 21. Otavio, 69. Kebbal, 89. (19409)

1. PSJ 28 20 3 5 62-25 63
2. Lans 29 20 2 7 57-29 62
3. Lill 30 16 6 8 49-34 54
4. Lion 30 16 6 8 45-30 54
5. Renn 30 15 8 7 52-41 53
6. Marsel 30 16 4 10 58-40 52
7. Monako 30 15 5 10 52-45 50
8. Strasbur 29 12 7 10 46-37 43
9. Loryan 30 10 11 9 40-44 41
10. Paris 30 9 11 10 40-46 38
11. Tuluza 30 10 7 13 41-42 37
12. Brest 29 10 7 12 38-44 37
13. Anje 30 9 7 14 26-40 34
14. Havr 30 6 12 12 25-38 30
15. Nitsa 30 7 8 15 34-56 29
16. Oser 30 5 10 15 25-39 25
17. Nant 29 4 8 17 25-46 20
18. Mets 30 3 6 21 27-66 15

Bombardirlər: Lepol (Renn) - 17, Paniçelli (Strasbur) - 16, Qrinvud (Marsel) - 15.

Növbəti turun oyunları aprelin 24-26-sı aralığında keçiriləcək: Brest – Lans, Lion – Oser, Anje – PSJ, Tuluza – Monako, Loryan – Strasbur, Havr – Mets, Renn – Nant, Paris – Lill, Marsel – Nitsa.

Turun rəqəmi
42 – “Lans” “Tuluza” ilə oyunda rəqib qapısına 42 zərbə vurdu ki, bu da “Opta”nın uyğun statistikanı aparmağa başladığı 2006/07 mövsümündən bəri Liqa 1 üçün rekorddu. “Qan-qızılılar” həmçinin oyun vaxtının 77 faizində topa nəzarət etdi və 14 künc zərbəsi yerinə yetirdi.

Turun ulduzu
Endrik (Lion) – “Real”a məxsus olan braziliyalının oyunu alındısa, “şirlər” qarşısıalınmaz olur. PSJ ilə oyunun taleyini də gənc hücumçu həll etdi: əvvəl qol vurdu, sonra da məhsuldar ötürmə verdi.

Turun sitatı
Luis Enrike, PSJ-nin baş məşqçisi: