Fransa kubokunda 1/8 final mərhələsinin oyunları keçirildi.

"Football-plus.az" xəbər verir ki, iki cütdə yalnız elita təmsilçiləri üz-üzə gəldi. PSJ mübarizənu dayandırandan sonra turnirin əsas favoritlərindən sayılan “Marsel” “Renn”i darmadağın etdi. Məhz PSJ-ni sıradan çıxaran “Paris” isə səfərdə “Loryan”la bacarmadı.

Qalan cütlərin dördündə elita və 2-ci liqa klubları üz-üzə gəldi. “Lion” “Laval”ı, çempionatda PSJ-nin ən yaxın izləyicisi olan “Lans” “Trua”nı çətinlik çəkmədən məğlub etdi. “Laval”la oyunun ilk yarısında topa nəzarət faizini 80-ə qaldıran “Lion” heç cür qol vura bilmirdi. Ancaq 80-ci dəqiqədə Endrik növbəti dəfə səhnəyə çıxdı. “Real”dan mövsümün sonuna qədər icarəyə götürülən 19 yaşlı forvard yeni komandasının heyətində keçirdiyi 5 oyunda artıq 5 qol vurub və bir məhsuldar ötürmə verib.

Ən dramatik mübarizə “Nitsa” ilə “Monpelye”nin duelində yaşandı. Elitanın ortalarından “Nitsa” aşağı dəstədə 9-cu pillədə qərarlaşan komandaya 72-ci dəqiqəyə qədər 0:2 uduzurdu. Amma baş məşqçi Klod Pyuel 64-cü dəqiqədə Budaşla Diopu meydana buraxmaqla oyunun axarını kəskin dəyişdi. Budaş 72-ci dəqiqədə fərqi azaltdı, Diop isə 7-ci uzatma dəqiqəsində qələbə topunu vurdu. Buna qədər Mendi 89-cu dəqiqədə hesabı 2:2 etmişdi.

Liqa 2 təmsilçilərinin qarşılaşdığı yeganə dueldə 2-ci pillədə yer alan “Reyms” 3-cü pillədəki “Le Man”ı darmadağın etdi.

1/8 final
Marsel – Renn 3:0
Quiri, 2. Qrinvud, 46. Obameyanq, 83.
Marsel: De Lanqe, Emerson (Pavar, 82), Medina, Balerdi, Vea, Timber (Kondoqbia, 69), Höybyerq, Payşao (Traore, 78), Nvaneri (Nadir, 46), Qrinvud, Quiri (Obameyanq, 78).

Loryan – Paris 2:0
Kadiu, 55. Mbou, 82-öz qapısına.

Lion – Laval (D-2) 2:0
Endrik, 80. Moreyra, 90+4.

Trua (D-2) – Lans 2:4
Adelin, 45+4. Ripar, 63 – Sotoka, 41. Sima, 50; 58. Bulatoviç, 52.

Nitsa – Monpelye (D-2) 3:2
Budaş, 72. Mendi, 82. Diop, 90+7 – Opponq, 3-öz qapısına. Mendi, 69.

Tuluza – Amyen (D-2) 1:0
Qboo, 39.

Reyms (D-2) – Le Man (D-2) 3:0
Leoni, 38; 71. Benhattab, 84.

Strasbur – Monako 3:1
Qodo, 7. Ensiso, 55; 61 – Biret, 58.