Fransada 14-cü turdan sonra lider dəyişdi. Səfərdə “Anje”ni məğlub edən “Lans” artıq zirvənin yeni sahibidi.

"Football-plus.az" xəbər verir ki, “qan-qızılılar” PSJ-ni arxada qoydu. Fəaliyyətdə olan çempion səfərdə “Monako”ya uduzdu. 3-cü pillədə isə “Marsel” qərarlaşıb. Roberto De Zerbinin komandası “Tuluza” ilə ev oyununda qələbəni əldən verməsəydi, zirvəyə şərik olacaqdı.

Turun mərkəzi oyununda ötən mövsümün bürünc mükafatçısı ilə Fransa futbolunun hegemonu üz-üzə gəldi. Sebastyan Pokonyoli “Monako”nun “sükanı arxasına” keçəndən bəri 6 oyunun 2-də qalib gələn, 1-də heç-heçə edən və 3-də uduzan “knyazlar” 8-ci pilləyə enmişdi. Bütün oyunöncəsi proqnozlarda PSJ favorit göstərilirdi. Komandalar fasiləyə qolsuz bərabərliklə yollandı.

“Monako” 2-ci hissəyə inanılmaz dərəcədə yüksək motivasiya ilə çıxdı. Düzdü, qonaqlar da boş dayanmır, müntəzəm təhlükəli vəziyyətlər yaradırdı. Hesab 68-ci dəqiqədə açıldı. Qolovin sol cinahdan cərimə meydançasına asma etdi və Minamino dəqiq zərbə ilə topu uzaq aşağı küncə göndərdi. Bundan sonra “knyazlar” hesabı qorumaq üçün oynadı. PSJ-nin hesabı bərabərləşdirmək cəhdləri isə nəticə vermədi. “Monako”nun 80-ci dəqiqədə azlıqda qalmasına baxmayaraq. Kapitan Kerer birbaşa qırmızı vərəqə ilə meydandan qovulmuşdu. Yeri gəlmişkən, bu, “Monako”nun son 2,5 ildə PSJ üzərindəki ilk qələbəsidi. “Knyazlar” parisliləri sonuncu dəfə 2023-ün fevralında məğlub etmişdi (3:1).

PSJ-dən iki xal geri qalan “Lans” möhkəm ortabablardan “Anje”nin qonağı idi. Hesabı ilk yarının sonunda qonaqlardan Toven açdı. O, 74-cü dəqiqədə daha bir qol vurdu. İki dəqiqə sonra qollardan birinin əvəzini çıxan “Anje”nin bundan artığına gücü çatmadı. Əksinə, “Lans” 3-cü qolu vurmağa daha yaxın idi. Amma Sotokanın zərbəsi tirdən, Tovenin zərbəsi dirəkdən döndü.

“Marsel” də PSJ-ni arxada qoymaq şansına malik idi. Ancaq De Zerbinin qeyri-sabit nəticələr göstərən komandası evdə - “Tuluza” ilə oyunda qələbəni uzatma dəqiqələrində əldən verdi. Qonaqlar erkən qolla irəli çıxsa da, Payşao və Höybyerq 2-ci hissədə oyunun axarını dəyişdi. 2-ci uzatma dəqiqəsində “Marsel” şoka düşdü: yenicə meydana çıxan argentinalı İdalqo hesabı bərabərləşdirdi.
Səfərdə “Havr”ı çətinliklə məğlub edən “Lill” turnir cədvəlinin 4-cü pilləsində qərarlaşıb. “Şimallı itlər” Buaddinin 52-ci dəqiqədə birbaşa “qırmızı” ilə qovulması üzündən azlıqda qalsalar da, 88-ci dəqiqədə sonradan meydana çıxan İqaman fərqləndi.

Turun son oyununda “Nant”ı qəbul edən “Lion” inamlı qələbə qazandı. Bu oyunda da birbaşa “qırmızı” oldu. Mvanqa 43-cü dəqiqədə “bülbüllər”i azlıqda qoydu. 2-ci hissədə Abner hesabı açdı, ardından uruqvaylı Satriano dubl etdi.

Turun qalan oyunlarına gəlincə, “Renn” səfərdə “Mets”ə yeganə qolla qalib gəldi. “Paris” – “Oser” oyunu heç-heçə bitdi, “Strasbur” evdə “Brest”ə, “Nitsa” səfərdə “Loryan”a uduzdu.

14-cü tur
Monako – PSJ 1:0
Minamino, 68. (11500)
Monako: Qradetski, Kerer, Salisu, Enrike, Kamara, Teze, Vanderson (Dyatta, 65), Akliuş, Qolovin (Fati, 72), Baloqan (Biret, 85), Minamino (Poqba, 86).
PSJ: Şevalye, Zair-Emeri, Markinyos, Paço, L.Ernandes, Neveş, Vitinya, Ruis (Ramuş, 83), Li Kan İn (Dembele, 64), Mayulu (Ncantu, 64), Kvaratsxeliya (Mbay, 76).

Marsel – Tuluza 2:2
Payşao, 66. Höybyerq, 74 – Emersonn, 14. İdalqo, 90+2. (65163)
Marsel: Rulyi, Vea, Pavar, Agerd (Balerdi, 76), Emerson (İqan-Rayli, 90), Nadir (Kondoqbia, 76), Höybyerq, Qrinvud, Qomes (Vaj, 46), Payşao (O’Rayli, 90), Obameyanq.

Mets – Renn 0:1
Ronjye, 22. (20291)

Paris – Oser 1:1
Kebbal, 32-p. – Dyomande, 40. (15007)

Strasbur – Brest 1:2
Amo-Ameyo, 11 – Del Kastilyo, 55-p. Manyetti, 82. (30017)

Anje – Lans 1:2
Cibirin, 76 – Toven, 45; 74. (12979)

Havr – Lill 0:1
İqaman, 88. (20689)

Loryan – Nitsa 3:1
Aberjel, 31. Sumano, 45+2; 53 – Avom, 12-öz qapısına. (15648)

Lion – Nant 3:0
Abner, 51. Satriano, 70; 77. (46449)

1. Lans 14 10 1 3 24-12 31
2. PSJ 14 9 3 2 27-12 30
3. Marsel 14 9 2 3 35-14 29
4. Lill 14 8 2 4 28-17 26
5. Renn 14 6 6 2 24-18 24
6. Lion 14 7 3 4 21-15 24
7. Monako 14 7 2 5 26-25 23
8. Strasbur 14 7 1 6 25-19 22
9. Tuluza 14 4 5 5 20-19 17
10. Nitsa 14 5 2 7 19-26 17
11. Brest 14 4 4 6 19-24 16
12. Anje 14 4 4 6 12-17 16
13. Paris 14 4 3 7 21-26 15
14. Havr 14 3 5 6 13-21 14
15. Loryan 14 3 5 6 18-28 14
16. Nant 14 2 5 7 12-22 11
17. Mets 14 3 2 9 14-31 11
18. Oser 14 2 3 9 8-20 9

Bombardirlər: Qrinvud (Marsel) – 10, Paniçelli (Strasbur) - 9, Lepol (Renn) – 8.

Turun rəqəmi
4 - "Marsel" bu mövsüm çempionatda buraxdığı 14 qoldan dördünü 90-cı dəqiqədə və ya sonra qapısında görüb. Yalnız "Loryan" son dəqiqələrdə “Marsel”dən daha çox (5) qol buraxıb.

Turun ulduzu
Florian Toven (Lans) – təcrübəli yarımmüdafiəçi dubl etməklə komandasını zirvəyə daşıdı. Uzaqdan gözəl zərbə ilə hesabı açdı, 74-cü dəqiqədə isə cərimə meydançasının küncündən vurduğu zərbədən sonra səkən top tora düşdü.

Turun sitatı
Luis Enrike, PSJ-nin baş məşqçisi: