''Qola sevinməməyimin heç kimlə əlaqəsi yoxdu. Hər futbolçuda müəyyən duyğusallıq var. Burda xoşbəxtəm. Əksər vaxtlarda qollara sevinirəm. Amma bəzən sevinmədiyim anlar da olur. Son oyunda müəyyən səbəblərə görə bir qədər duyğusal idim. Amma gəldiyim gündən bəri həm mən, həm də ailəm burda xoşbəxtik. Burdakı insanlar bizim üçün hər şeyi asanlaşdırırlar. Təbii ki, içimdən gələndə maskanı çıxarıb qola sevinirəm. Amma sevinməməyim də o demək deyil ki kimləsə problemim var. Klubumu, məşqçimi, fanatlarımızı və başqanımı sevirəm. İşlər qarşılıqlı sevgi və hörmət əsasında davam edir. Növbəti tur bizi ''Beşiktaş''la derbi gözləyir. Böyük oyun olacaq. Onların stadionunda bizi güclü komandaya qarşı ciddi sınaq gözləyir. Amma biz də səviyyəli komandayıq. Özümüzə güvənirik və ora yalnız 3 xal üçün yollanacağıq. ''Beşiktaş''dan sonra ''Liverpul'' ilə oyun var. Pillə-pillə irəliləməliyik. İlkay Gündoğana böyük hörmətim var. Milyonlarla futbolsevərin tanıdığı dünya səviyyəli, dəyərli futbolçudu. Həm də inanılmaz insandı. Hər zaman sakit və motivasiyalıdı. Hər birimiz istədiyimiz vaxt ona ürəyimizi aça bilərik. Çox təcrübəlidi. Topu qəbul etmədən artıq növbəti addımını bilir. Açığı, sarğını mənə gətirəndə bir qədər qəribə hisslər keçirdim. Amma bizə liderlik etməsi üçün sarğını yenidən onun qoluna taxdım. Hər oynadıqda yarımmüdafiədə bizə güc verən, hörmətə və sevgiyə layiq bir insandı. Bu üzdən ona olan hörmətimə görə sarğını qəbul etmədim və özünə qaytardım. Fanatların mənim üçün hazırladıqları pankartdan xəbərim yox idi. Mənim üçün xoş sürpriz oldu. Zatən gəldiyim gündən bəri onların mənim üçün etdikləri hər şey inanılmazdı. Bunu anlatmaq üçün kəlimələr yetərsizdi. Futbolçularla əla münasibət qurmağı bacaran fanatlarımız var. Çox xoşbəxtəm. Pankartda yazdıqlarına da zatən qatılıram. Biz bir ailəyik və ailə hər şeydən önəmlidi. Yaxşı və ya pis gündə hər zaman bizim arxamızdadılar. Onlarla birləşərək mübarizəmizi davam etdiririk''.