Fransada PSJ çox tez başqalarıyla fərq yaradır, zirvədə təkbaşına dayanmağın qürurunu yaşayırdı. Bu il isə vəziyyət bir qədər fərqlidi. Hesabat turundan sonra “Lion” paytaxt klubu ilə zirvəyə şərikdi.

"Football-plus.az" xəbər verir ki, “Oser”i qəbul edən PSJ-nin ciddi itkiləri var idi. Dembele, Due, Markinyos və Neveşin xidmətindən məhrum olan parislilər burqundiyalılarla oyunda daha iki itki ilə üzləşdi. Oyunun axarına gəlincə, üç imkan boşa veriləndən sonra müdafiəçi Zabarnı səhnəyə çıxaraq 32-ci dəqiqədə hesabı açdı. Ona məhsuldar ötürmə verən kapitan Vitinya bir qədər sonra zədə üzündən yerini Hakimiyə verdi. 2-ci hissə başlayanda Kvaratsxeliya da meydanda görünmədi. Sonradan onun da zədədən əziyyət çəkdiyi aydın oldu. 54-cü dəqiqədə 2-ci qol da vuruldu. Künc zərbəsinin ardından Beraldo fərqləndi. Sonda “Oser” bir neçə təhlükəli hücum qursa da, fərqi azalda bilmədi. Yeri gəlmişkən, 2-ci hissədə yeniyetmələr – Ncantu ilə Janjal da PSJ-də debüt etdi.

“Lion”u qəbul edən “Lill” Mortonun 13-cü dəqiqədə vurduğu qolun cavabını verə bilmədi. Əslində “şimallı itlər”in fərqlənmək üçün çoxlu imkanı oldu. Qol vəziyyətlərinin qaçırılması onların baş məşqçisi Bruno Jenezionu özündən çıxardı. Hakim sonda onu qırmızı vərəqə ilə cəzalandırdı. Qələbə hesabını qoruyan “şirlər” 15 xalla zirvəyə şərik oldu.

“Strasbur” – “Marsel” oyununu da maraqla gözləməyə dəyərdi. Axı hər iki komanda iddialıdı, mövsümə yaxşı başlayıb. Bu oyunda əsas hadisələr fasilədən sonra baş verdi. Meydan sahibləri 2-ci hissəyə iki dəyişikliklə başladı. Yenilərən Uattara 49-cu dəqiqədə “Marsel”i məyus etdi. Qonaqlar bu qolun əvəzini 78-ci dəqiqədə təcrübəli Obameyanqın sayəsində çıxdı. Qoldan dərhal sonra Höybyerq topu dirəyə vurdu. Bununla belə, hücumları davam etdirən “Marsel” sonda qələbə istəyinə çatdı: Murilyo cənubluları sevindirdi.

“Loryan”ın qonağı olan “Monako” 1:3 hesablı məğlubiyyətlə barışdı. Bəlkə də bu oyun tam fərqli nəticələnəcəkdi. Sadəcə, müdafiəçi Kerer artıq 38-ci dəqiqədə meydandan qovulmaqla “knyazlar”ı pis vəziyyətdə qoydu. Elə bu epizodun davamı olan cərimə zərbəsi zamanı Bamba hesabı açdı. 72-ci dəqiqədə oyuna qoşulan Paji 7 dəqiqə ərzində iki qol vurmaqla “Monako”nun müqavimətini qırdı. Qonaqların gücü yalnız təsəlli qolunu vurmağa çatdı.

Turun qalan oyunlarına gəlincə, “Renn” – “Lans”, “Mets” – “Havr”, “Nitsa” – “Paris”, “Tuluza” – “Nant” duelləri heç-heçə bitdi. “Brest” səfərdə “Anje” üzərində inamlı qələbə qazandı.

6-cı tur
PSJ – Oser 2:0
Zabarnı, 32. Beraldo, 54. (47792)
PSJ: Şevalye, Zair-Emeri, Zabarnı, Beraldo, L.Ernandes, Li Kan İn (Janjal, 80), Vitinya (Hakimi, 35), Mayulu (Ncantu, 62), Mbay, Ramuş, Kvaratsxeliya (Barkolya, 46).

Loryan – Monako 3:1
Bamba, 40. Paji, 76; 82 – Fati, 90+7-p. (15561)
Monako: Kön, Teze, Kerer, Mavissa, Enrike, Vanderson (Dyatta, 46), Kulibali (Kabral, 81), Dayer, Minamino (İdumbo, 65), Biret (Baloqan, 46), İlenihena (Fati, 65).

Strasbur – Marsel 1:2
Uattara, 49 – Obameyanq, 78. Murilyo, 90+1. (23262)
Marsel: Rulyi, Medina (Vaj, 85), Balerdi, Agerd, Murilyo, O’Rayli (Pavar, 85), Höybyerq, Vea (Emerson, 58), Qomes, Payşao (Qrinvud, 58), Quiri (Obameyanq, 58).

Tuluza – Nant 2:2
Qboo, 48. Dennum, 66-p. – Lahdo, 45+3. Leru, 61. (22824)

Nitsa – Paris 1:1
Diop, 40 – Krasso, 88. (20049)

Anje – Brest 0:2
Labo, 26. Del Kastilyo, 32-p. (10210)

Lill – Lion 0:1
Morton, 13. (45287)

Mets – Havr 0:0
(19976)

Renn – Lans 0:0
(26414)

1. PSJ 6 5 0 1 12-4 15
2. Lion 6 5 0 1 8-3 15
3. Marsel 6 4 0 2 12-5 12
4. Monako 6 4 0 2 14-10 12
5. Strasbur 6 4 0 2 9-7 12
6. Lill 6 3 1 2 13-9 10
7. Lans 6 3 1 2 8-5 10
8. Renn 6 2 3 1 7-8 9
9. Brest 6 2 1 3 11-11 7
10. Tuluza 6 2 1 3 9-11 7
11. Paris 6 2 1 3 10-13 7
12. Nitsa 6 2 1 3 7-10 7
13. Loryan 6 2 1 3 9-14 7
14. Oser 6 2 0 4 4-8 6
15. Havr 6 1 2 3 6-8 5
16. Nant 6 1 2 3 5-7 5
17. Anje 6 1 2 3 3-6 5
18. Mets 6 0 2 4 5-13 2

Bombardirlər: 11 futbolçu hərəyə 3 qol vurub.

Növbəti turun oyunları oktyabrın 3-5-i aralığında keçiriləcək: Paris – Loryan, Mets – Marsel, Brest – Nant, Oser – Lans, Lion – Tuluza, Havr – Renn, Monako – Nitsa, Strasbur – Anje, Lill – PSJ.

Turun rəqəmi
1 – “Lans”ın müdafiəçisi Jonatan Qradi “Renn” ilə oyunun 1-ci dəqiqəsində, daha dəqiqi, 53-cü saniyədə meydandan qovuldu. Bu, 21-ci əsrtə Fransa çempionatında ən erkən 4-cı qırmızı vərəqədi. Jan-Kler Todibo 2022-də 9-cu, Maksim Spano (2014) və Benjamen Lekomt (2015) 39-cu saniyədə meydandan qovulub.

Turun ulduzu
Pablo Paji (Loryan) – gənc hücumçu meydana çıxandan dərhal sonra oyunun axarını dəyişdi. Məhz onun qısa zaman kəsiyində vurduğu iki qol güclü “Monako”nun “ağ bayraq qaldırmasına” səbəb oldu.

Turun sitatı
Usman Dembele, PSJ-nin hücumçusu: