Fransa çempionatında hesabat turu yetərincə maraqlı oldu.

"Football-plus.az" xəbər verir ki, lider PSJ Xviça Kvaratsxeliyanın debüt oyununda xal itirdi. Dembele 2-ci hissənin əvvəlində paytaxt klubunu irəli çıxarsa da, “Reyms” tezliklə bərabərlik qolunu vurdu. Yeri gəlmişkən, gürcü vinger məhsuldar ötürmə ilə yadda qaldı.

Lider xal itirsə də, ən yaxın izləyicisi ilə fərq artdı. İş ondadı ki, “Marsel” səfərdə “Nitsa”ya uduzdu. İndi cənublularla parislilər arasındakı xal fərqi 10-a bərabərdi. “Monako” isə 3-cü pilləyə döndü. “Doğma divarlar” arasında “Renn”i məğlub edən “knyazlar” xalını 34-ə çatdırdı. “Nitsa” “Marsel” üzərindəki qələbədən sonra 33 xalla 4-cü pillədə qərarlaşıb. “Lill” isə 3-cü pillədən 5-ci pilləyə düşdü. “Şimallı itlər” “Strasbur”la səfər oyununda məğlubiyyətlə üzləşdi.

Turun qalan oyunlarına gəlincə, “Lion” “Nant”ın qonağı idi. Nuamanın erkən qolu sayəsində qələbəyə yaxın olan “şirlər” son dəqiqə qoluna üzüldü. “Bülbüllər”in heyətində sonradan oyuna qoşulan misirli Məhəmməd fərqləndi – 1:1. “Lans” bu vəziyyətdən yararlandı və “Lion”la xalını bərabərləşdirdi. “Qan-qızılılar” evdə “Anje”yə qalib gəldi. “Brest” səfərdə “Havr”dan üstün oldu. Mövsümdə 14-cü dəfə uduzan “Havr” cəmi 13 xalla artıq turnir cədvəlinin sonuncusudu. Əvəzində “Monpelye”nin uğurunu qeyd etməliyik. Jan-Lui Qassenin komandası “Monako” üzərindəki sensasiyalı qələbənin ardından “Tuluza”nın da öhdəsindən gəldi. “Oser” – “Sent-Etyen” oyununda qalib müəyyənləşmədi.

19-cu tur
PSJ – Reyms 1:1
Dembele, 47 – Nakamura, 56. (47000)
PSJ: Donnarumma, Zair-Emeri, Beraldo, L.Ernandes (Paço, 60), Mendeş, Li Kan İn (Vitinya, 60), Ruis, Due, Dembele (Barkola, 60), Ramuş (Mayulu, 73), Kvaratsxeliya (Asensio, 83).
Monako – Renn 3:2
Akliuş, 15. Biret, 52. Qolovin, 56 – Naqida, 45+1. Quiri, 67. (5725)
Monako: Mayetski, Vanderson, Kerer, Salisu, Mavissa (Diatta, 74), Kamara (Teze, 81), Zakariya (Maqassa, 58), Akliuş, Minamino (Mişal, 74), Qolovin (Ben Seqir, 81), Biret.
Nitsa – Marsel 2:0
Gessand, 7. Şo, 51. (31017)
Marsel: Rulyi, Murilyo, Balerdi, Brasye (Lirola, 61), Enrike (Nadir, 75), Ronjye (Rou, 61), Heybyerq, Merlen, Qrinvud, Rabyo, Mope (Vas, 61).
Strasbur – Lill 2:1
Santos, 70. Emeqha, 74 – Sahraui, 8. (19428)
Havr – Brest 0:1
Ajork, 25. (17898)
Lans – Anje 1:0
Frankovski, 49. (37321)
Nant – Lion 1:1
Məhəmməd, 90 – Nuama, 10. (32690)
Tuluza – Monpelye 1:2
Kasseres, 59 – Sanyan, 62. Maamma, 83. (28382)
Oser – Sent-Etyen 1:1
Traore, 27 – Stassen, 45. (16805)

1. PSJ 19 14 5 0 49-17 47
2. Marsel 19 11 4 4 40-23 37
3. Monako 19 10 4 5 32-22 34
4. Nitsa 19 9 6 4 38-25 33
5. Lill 19 8 8 3 29-19 32
6. Lion 19 8 6 5 30-23 30
7. Lans 19 8 6 5 23-18 30
8. Brest 19 9 1 9 29-31 28
9. Strasbur 19 7 6 6 33-31 27
10. Tuluza 19 7 4 8 20-21 25
11. Oser 19 6 5 8 25-29 23
12. Reyms 19 5 7 7 25-27 22
13. Anje 19 6 4 9 21-28 22
14. Nant 19 3 9 7 22-29 18
15. Sent-Etyen 19 5 3 11 18-39 18
16. Renn 19 5 2 12 26-30 17
17. Monpelye 19 4 3 12 20-44 15
18. Havr 19 4 1 14 14-38 13

Bombardirlər: Qrinvud (Marsel) - 12, Devid (Lill), Barkola, Dembele (hər ikisi PSJ) – 11.

Turun rəqəmi
1 – Kvaratseliya PSJ-nin tarixinə bu komandanın heyətində rəsmi oyunda meydana çıxan ilk gürcü kimi düşdü. Gürcü futbolçu həmçinin paytaxt klubunun 514-cü debütantıdı.
Turun ulduzu
Maqnes Akliuş (Monako) – gənc yarımmüdafiəçi həm möhtəşəm “qayçı” zərbəsi ilə hesabı açdı, həm də Qolovinə assistentlik etdi. Maqnes cari mövsümdə “knyazlar”ın heyətində sabit və yüksək səviyyəli oyun göstərən üç futbolçudan biridi.

Turun sitatı
Yuri Syomin, “Lokomotiv”in sabiq baş məşqçisi: