Fransa çempionatında 87-ci mövsüm şənbə günü başa çatdı.

Bir neçə tur əvvəldən çempionluğu təmin edən PSJ finişdə “Oser” üzərində əzmkar qələbə qazandı. Bir-birinin ardınca ölkə kubokunun və ÇL-in finalında oynayacaq paytaxt klubunun meydana əsas heyətlə çıxması anlaşılandı. 2-ci yeri “Renn”i məğlub edən “Marsel” tutdu. 3-cü yeri tutan “Monako” isə mövsümü acınacaqlı məğlubiyyətlə bitirdi. “Knyazlar” “Lans”la oyunda 4 qol buraxdı.

Beləliklə, Fransanı avrokubokların 2025/26 mövsümündə PSJ, “Marsel”, “Monako”, “Nitsa”, “Lill” və “Lion” təmsil edəcək. İlk 4 komanda Çempionlar, 5-ci komanda Avropa, 6-cı komanda Konfrans Liqasında oynayacaq. PSJ ölkə kubokunu qazanarsa, “Lion” Avropa Liqasında oynayacaq. Belədə “şirlər”in Konfrans Liqasındakı yerini 7-ci yerdə qərarlaşan “Strasbur” tutacaq. Elitada qalmaq uğrunda mübarizəyə gəlincə, “Monpelye” ilə “Sent-Etyen” 2-ci liqaya yuvarlandı. 2009/10 mövsümündən elitada oynayan “Monpelye” 2012-də tarixində ilk dəfə çempion olmuşdu. 10 qat ölkə çempionu “Sent-Etyen”in sonuncu belə uğuru isə 1981-ci ilə aiddi. Bu komandaları elitada “Loryan” və “Paris” əvəz edəcək. Liqa 1-də mövsümü 16-cı yerdə bitirən “Reyms” burdakı yerini qorumaq üçün aşağı dəstənin üçüncüsü “Mets”lə iki pley-off oyunu keçirəcək.

“Oser”i qəbul edən PSJ-nin baş məşqçisi Luis Enrike meydana əsas heyəti buraxmışdı. Axı mövsüm bu komanda üçün hələ bitmir. İrəlidə ölkə kubokunun və ÇL-in finalı var. Dembele yüzfaizlik qol imkanını qaçırdı, cavabında qonaqlardan Sinayoko hesabı açdı. Bir qədər sonra Mendeşin zərbəsi dirəkdən döndü. Çempion 2-ci hissədə oyunun axarına nəzarəti ələ aldı. Dembele iki imkanı qaçırandan sonra Kvaratsxeliya hesabı bərabərləşdirdi. 67-ci dəqiqədə Mendeşin uzaq dirək önünə asmasını Markinyos tamamladı – 2:1. 80-ci dəqiqədə PSJ penalti qazansa da, yenicə meydana çıxan Ramuş qapıçı ilə dueldən məğlub ayrıldı. Bununla belə, parislilər 3-cü qolu vurmağı bacardı. 88-ci dəqiqədə qapıçını da arxada qoyan Kvaratsxeliya oyunda son nöqtəni qoydu.

“Renn”i qəbul edən “Marsel” də əzmkar qələbə qazandı. Kone 14-cü dəqiqədə qonaqları irəli çıxardı, amma Qrinvud 21-ci dəqiqədə penaltini qola çevirməklə tablodakı rəqəmləri eyniləşdirdi. 6 dəqiqə sonra ingiltərəli forvard növbəti dəfə “nöqtə”yə yaxınlaşsa da, qapıçı komandasını xilas etdi. Bununla belə, hissənin sonuna qədər “Renn”in qapısına daha iki qol vuruldu. 38-cı dəqiqədə Rabyonun fərqlənməsinə şərait yaradan, bombardir olmaq arzusu ilə alışıb-yanan Qrinvud hissənin sonunda hesabı 3:1 etdi. Beləcə Meyson bombardirlər yarışında Dembeleyə çatdı. 2-ci hissədə komandalar hərəyə bir qol vurdu.

Ötən tur 3-cü yeri və ÇL-in əsas mərhələsinə vəsiqəni təmin edən “Monako”, deyəsən, bununla da işini bitmiş saydı. “Knyazlar” son turda heç bir motivasiyası olmayan “Lans”a 0:4 uduzdu. Hissənin ortalarında Könu Əl-Aynaui məyus etdi. 2-ci hissə başlayan kimi “qırmızı” ilə cəzalanan Maqassa “Monako”nu azlıqda qoydu. Bundan sonra meydan sahiblərinin qolları yağış kimi yağdı.

ÇL-də oynamağa imkan verən 4-cü yer uğrunda mübarizə son tura qədər getdi. Və bu mübarizədən “Nitsa” qalib ayrıldı. “Brest”lə ev oyununa çox ciddi əhval-ruhiyyə ilə çıxan “Nitsa” rəqib qapısından 6 cavabsız top keçirdi. “Qartallar” “Lill”i yalnız əlavə göstəricilərə görə qabaqladı. “Şimallı itlər” hesabat turunda “Reyms” üzərində çətin qələbə qazandı.

Evdə “Anje”ni iki cavabsız qolla məğlub edən “Lion” mövsümü 6-cı yerdə bitirdi. “Havr”ı qəbul edən “Strasbur” gözlənilmədən uduzdu. Halbuki bu komandanın ÇL-ə vəsiqə qazanmaq üçün nəzəri şansı qalmışdı. Amma elitada yerini qorumaq üçün qələbəyə hava-su kimi ehtiyac duyan “Havr” 6-cı uzatma dəqiqəsində qələbə topunu vurmaqla meydan sahiblərini şoka saldı.

Girişdə “Sent-Etyen”lə “Monpelye”nin elitada ilə vidalaşdığını vurğulamışdıq. “Yaşıllar” evdə “Tuluza”ya, “Monpelpe” səfərdə “Nant”a uduzdu.

34-cü tur
PSJ – Oser 3:1
Kvaratsxeliya, 59; 88. Markinyos, 67 – Sinayoko, 30. (47000)
PSJ: Donnarumma, Hakimi, Markinyos (Beraldo, 74), Paço, Mendeş, Neveş (Zair-Emeri, 60), Vitinya, Ruis (Mayulu, 60), Kvaratsxeliya, Dembele (Ramuş, 74), Barkola (Due, 60).

Marsel – Renn 4:2
Qrinvud, 21-p.; 45+1. Rabyo, 38; 90+3 – Kone, 14. Qomes, 78. (57274)
Marsel: Rulyi, Murilyo, Balerdi, Felipe (Lirola, 46), Merlen (Dediç, 64), Bennaser (Nadir, 64), Heybyerq, Rou (Arit, 71), Qrinvud, Rabyo, Quiri (Mope, 83).

Lans – Monako 4:0
Əl-Aynaui, 21; 56. Tomasson, 73. Zaruri, 78. (38160)
Monako: Kön, Sinqo, Teze (Vanderson, 46), Mavissa, Enrike, Maqassa, Kamara, Ben-Seqir (Akliuş, 83), Minamino (Zakariya, 83), Dyatta (Buabre, 66), İlenihena (Mişal, 74).

Lion – Anje 2:0
Lakazett, 55-p.; 72. (56517)

Nitsa – Brest 6:0
Gessand, 16. Lyabord, 19; 75. Buanani, 28-p. Moffi, 82. Abdi, 90+4. (30298)

Sent-Etyen – Tuluza 2:3
Tardye, 38. Batubinsika, 63 – Kamanzi, 10. Kinq, 15. Qboo, 58. (38725)

Lill – Reyms 2:1
Kabella, 37. Ekpom, 86-p. – Akyeme, 60. (45599)

Strasbur – Havr 2:3
Santos, 20. Nanasi, 53 – Ture, 43-p.; 90+6-p. Kazimir, 70. (19280)

Nant – Monpelye 3:0
Simon, 18-p. Koklen, 31. Ablin, 79. (34780)

Yekun cədvəl
1. PSJ 34 26 6 2 92-35 84
2. Marsel 34 20 5 9 74-47 65
3. Monako 34 18 7 9 63-41 61
4. Nitsa 34 17 9 8 66-41 60
5. Lill 34 17 9 8 52-36 60
6. Lion 34 17 6 11 65-46 57
7. Strasbur 34 16 9 9 56-44 57
8. Lans 34 15 7 12 42-39 52
9. Brest 34 15 5 14 52-59 50
10. Tuluza 34 11 9 14 44-43 42
11. Oser 34 11 9 14 48-51 42
12. Renn 34 13 2 19 51-50 41
13. Nant 34 8 12 14 39-52 36
14. Anje 34 10 6 18 32-53 36
15. Havr 34 10 4 20 40-71 34
16. Reyms 34 8 9 17 33-47 33
17. Sent-Etyen 34 8 6 20 39-77 30
18. Monpelye 34 4 4 26 23-79 16

Bombardirlər: Qrinvud (Marsel), Dembele (PSJ) – 21, Kalimuendo (Renn) – 17, Devid (Lill) – 16, Lakazett (Lion) – 15.

Turun rəqəmi
200 – Lakazett “Lion”un heyətində bütün turnirlər çərçivəsində keçirdiyi 391-ci oyunda qol sayını bu həddə çatdırdı. Yalnız Fleri Di Nallo “Lill” üçün bundan daha çox (222) qol vurub.

Turun ulduzu
Meyson Qrinvud (Marsel) – demək olar ki, inanılmazı bacardı. Liqa 1-də debüt mövsümündəcə 21 qol vurmaq, bombardirlən biri olmaq ciddi uğurdu. İngiltərəli hücumçu konkret son turda bir penaltini qaçırsa da, dubl etdi və məhsuldar ötürmə verdi.

Turun sitatı
Tyaqo Skuro, “Monako”nun baş direktoru: