Argentinadan olan 15 mindən çox azarkeş məyusluq içindədi.

"Football-plus.az" xəbər verir ki, bu qədər fanat Klublararası Dünya Çempionatının (KDÇ) oyunlarına buraxılmayacaq.

Argentinanın milli təhlükəsizlik naziri Patrisiya Bullriç ABŞ-nin Buenos-Ayresdəki səfirliyinə zorakılığameyilli azarkeşlərin siyahısını təqdim edib.

Siyahı fanatları izləməyə və potensial təhlükələri müəyyən etməyə imkan verən “Tribuna Segura” proqramından istifadə etməklə hazırlanıb.

Reyestrdə stadionlara girişi qadağan olunacaq 15 mindən çox futbolsevər var. Qeyd edək ki, hazırkı hökumət işə başlayandan indiyədək “Tribuna Segura” 1328 matçda 4 milyondan çox azarkeşi izləyib. Həbs qərarı olan 1166 nəfər müəyyən edilib və stadionlara girişi məhdudlaşdıran 40-dan çox inzibati sərəncam verilib.

Argentina KDÇ-də iki klubla - “Boka Xuniors” və “River Pleyt” ilə təmsil olunacaq. İlk dəfə 32 komandanın iştirak edəcəyi turnir iyunun 14-dən iyulun 13-dək ABŞ-də keçiriləcək.