LK-nın finalı harda keçiriləcək?

Bu il Libertadores Kubokunun (LK) finalının keçiriləcəyi yer müəyyənləşib. Bu haqda Cənubi Amerika Futbol Konfederasiyası (KONMEBOL) məlumat yayıb.

Turnirin finalı Argentinanın paytaxtı Buenos Ayresdəki “Estadio Monumental” stadionunda keçiriləcək. Sentyabrın 27-də turnirin yarımfinal cütləri müəyyənləşib. Bu mərhələnin oktyabrın 23-nə təyin olunan ilk oyunlarında “Atletiko Mineyro” “River Pleyt”i, “Botafoqo” isə “Penyarol”u qəbul edəcək. Cavab görüşləri ayın 30-da keçiriləcək.

Yeri gəlmişkən, ötən il LK-nın finalı Braziliyanın Rio de Janeyro şəhərindəki “Marakana” stadionunda baş tutub. Həlledici matçda “Fluminense” əlavə vaxtda “Boka Xuniors”a 2:1 hesabı ilə qalib gəlib.