Argentina çempionatının Apertura adlanan ilk mərhələsi sona yaxınlaşır.

"Football-plus.az" xəbər verir ki, atıq pley-offun 1/4 finalı da arxada qalıb.

Bu mərhələnin bütün oyunları gözlənilməz nəticələrlə yadda qaldı. Argentina nəhənglərinin yarımfinala çıxa bilməməsini xüsusi vurğulamalıyıq.

Xatırladaq ki, 1/8 finalın ümumi nəticəsi böyük ölçüdə gözlənildiyi kimi olmuşdu: imkanları yüksək dəyərləndirilən “San Lorenso”, “Rosario Sentral”, “Boka Xuniors”, “Arxentinos Xuniors”, “Atletiko Urakan”, “River Pleyt” və “İndependyente” 1/4 finala çıxmış, yalnız öz meydanında “Platense”yə uduzan (0:1) “Rasinq” proqnozları doğrulda bilməyən yeganə komanda olmuşdu.

1/4 finalda favorit statusu qazanan komandaların hamısı mübarizəni dayandırdı. B qrupunu lider kimi başa vuran “Rosario Sentral” evdə A qrupunun 4-cüsü “Atletiko Urakan” minimal hesabla uduzdu. A qrupunun lideri “Arxentinos Xuniors” öz meydanında B qrupunu 4-cü yerdə başa vuran “San Lorenso”ilə 1:1 hesabına razılaşdı. Reqlamentə əsasən qalib əsas vaxt sona çatan kimi penalti seriyası ilə müəyyənləşdi. Bu sınaqdan isə 8:7 hesabıyla “San Lorenso” üstün çıxdı. “Boka Xuniors” evdə “İndependyente”yə minimal hesabla məğlub oldu.

Argentinanın digər nəhəngi də proqnozları doğrulda bilmədi. “River Pleyt” öz meydanında “Platense”yə məğlubiyyətdən əsas vaxtın son saniyələrində penalti qolu ilə qurtuldu. Lakin penalti seriyası buenos ayreslilərin 2:4 hesablı məğlubiyyəti ilə nəticələndi.

1/4 final
Rosario Sentral - Atletiko Urakan 0:1
Matsantti, 21.

Arxentinos Xuniors - San Lorenso 1:1, p. – 7:8
Molina, 90+5 – Vomberqar, 69.

Boka Xuniors – İndependyente 0:1
Anqulo, 64.

River Pleyt – Platense 1:1, p. – 2:4
Mastantuono, 90+2-p. – Taborda, 29.