“Malyorka”nın azarkeşi cəzalandırılıb.

"Football-plus.az" xəbər verir ki, adı çəkilməyən fanat “Real”ın oyunçusu Vinisius Juniora qarşı irqçilik etdiyi üçün uzun müddət idman yarışlarını izləyə bilməyəcək.

La Liqanın 20-ci turunun fevralın 5-də keçirilən oyunu “Malyorka”nın 1:0 hesablı qələbəsi ilə nəticələnmişdi. Matç zamanı braziliyalı hücumçuya “sən meymunsan!” qışqıran fanata bir il idman tədbirlərinə giriş qadağan edilib. O, həmçinin 4 min avro cərimələnib.

Yeri gəlmişkən, “Çelsi”nin azarkeşi də cəzasını alıb. 30 yaşlı fanat “Tottenhem”in oyunçusu Son Hın Min haqqında söylədiyi fikirlərə görə 3 il müddətinə futbol yarışlarını stadionlarda izləyə bilməyəcək. O, 2022-ci il avqustun 14-də keçirilən və 2:2 hesabı ilə sona çatan derbidə koreyalı yarımmüdafiəçini irqçi zəmində təhqir etmişdi.

“Çelsi” yolverilməz hadisənin səbəbkarının kimliyini müəyyən edəndən sonra sanksiyalar müəyyənləşib. Uzun müddət stadionlara buraxılmayacaq həmin azarkeş 726 funt sterlinq məbləğində cəriməyə də layiq bilinib.