“Burda oynamışıq, burda da oynayacağıq” - “İmişli”nin bəyanatına “Kür-Araz”dan cavab gəldi
Növbəti mövsümdən elitada oynayacaq “İmişli” şənbə günü maraqlı açıqlama yayıb.
Bu bəyanatda yer alan üç klub hansılardı? Söhbət 2-ci liqa təmsilçisi - “Kür-Araz”dan, eləcə də Region Liqasında yarışan “Lokomotiv”lə “Araz İmişli”dən gedir. “İmişli”nin icraçı direktoru Aqşin Mürsəlovla bir daha əlaqə saxladıq:
“Digər komandaların oynamasının əleyhinə deyilik. Sadəcə, qazon buna tab gətirmir, dözmür. Bundan sonrakı prosesdə stadionu yararlı hala gətirməyi düşünürük”.
Stadionun xidmətindən yararlanan “Kür-Araz”ın prezidenti Mirheydər Səfiyevlə də əlaqə saxladıq:
“Bəyanatla bağlı nə deyə bilərəm? Onlar mövcud vəziyyətlə bağlı bəyanat yayıb. Çempionatımız, oyunlarımız davam edir. Nə qərar verilsə, ona uyğun da hərəkət edəcəyik. İmişlidə başqa stadion yoxdu. İki stadiondu yan-yana - biri süni örtükdü, biri təbii. Burda oynayırıq, qarşıda bir neçə oyunumuz var. İndiyəqədərki oyunlarımızı burda keçirmişik. Qalan oyunları da burda keçirəcəyik. Başqa planımız yoxdu. Stadion təmirə bağlansa, ondan sonra düşünəcəyik”.
MÜZƏFFƏR QULUZADƏ
Digər xəbərlər
