“Səbail” hələ elitani tərk etmədəyinə görə “İmişli”nin “ASCO Arena”ilə bağlı AFFA-dan razılıq alması birmənalı qarşılanmayıb. Hətta bölgə təmsilçisinin qeyri-etik hərəkət etdiyini deyənlər də var. Belə fikirlərə münasibətiniz? Bu sualı “İmişli”nin İdarə Heyətinin sədri Aqşin Mürsəlova ünvanladıq:
“Bu məsələnin birmənalı qarşılanmaması mənə çatmır. Aşağı liqada çıxış etmək ayıb bir şey deyil. “Səbail”in stadionunda oynamaq bizim üçün bir variantdı. İmişlidə futbolu yüksəltmək istəyirik. PFL-in tələbi var ki, premyer-liqa standartlarına uyğun stadion təqdim etmək lazımdı. Ona görə bu addımı atmışıq. Futbolun gözəlliyi bundadı ki, komanda hansısa səbəblərdən premyer-liqanı tərk edir, 1-ci liqada toparlanıb yenidən elitaya qayıdır. Burda qeyri-etik nəyinsə olduğunu bilmirəm. “Kəpəz”lə aradakı fərqi nəzərə alsaq, “Səbail” elitanı tərk edəcək. Əlavə olaraq AFFA-ya məxsus stadiondu. “Şamaxı”nın oynadığı stadionla da müqaviləmiz var. “Cəbrayıl” da “ASCO Arena”da oyunlarını keçirir. O demək deyil ki, burda bir hörmətsizlik olur”.
ƏSƏD SEYİDOV
