"Püşkatma şəffaf, obyektiv keçirildi. İlk turda qonşu rayon təmsilçisi "İmişli" ilə oynayacağıq. Bizə xoşdu ki, 1-ci turda Aran derbisi baş tutacaq. İmişli təmsilçisində başda Aqşin müəllim olmaqla hər kəsə hörmətimiz var. Bizin üçün maraqlı görüş olacaq. Oyunların həftəiçi keçirilməsinə gəlincə, bu istək ilə reallıq arasındakı uçurumdu. İstədiyimiz odu ki, oyunlar həftəsonu olsun, amma reallıq buna imkan vermir. Çünki premyer-liqa, 1-ci və 2-ci liqa, əvəzedicilərin çempionatı da var. Qarşılaşmaların təhlükəsizliyini, təşkilatı işləri, hakimlərin, hakim-inspektorların, AFFA nümayəndələrinin təyinatını və yayın məsələlərini nəzərə alsaq, bütün çempionatları cümə, şənbə və bazar günləri təşkil etmək mümkün deyil. Odu ki, burda etiraz ediləcək məsələ yoxdu. Məsələ azarkeşlərin oyunlarımıza gəlməsidisə, PFL burda da bizi nəzərə alıb. Stadionlarda işıq sistemləri quraşdırılıbsa, matçları axşam saatlarında da keçirmək olar".