“Stadionda qazon əkməyə başlamışıq. Amma çempionatın startına (sentyabrın 11-nə - red.) qədər bitirəcəyik, ya yox - bu sual altındadı. Düzü, mən də inanmıram. Düşünürəm ki, oktyabra qədər ancaq yekunlaşar. Yaxın rayonlardan Saatlı stadionu PFL-ın standartlarına cavab verir, birinci variantımız oradı. Hər şey qaydasında olsa, düşünürəm ki, bir-iki ev oyununu Saatlıda keçirməli olacağıq. Amma hələ ki, tam qərar verilməyib. Çempionata bir həftə qalmış meydança barədə qərar təsdiq olunur. Ona görə hələ ki düşünürük. Ancaq öz meydançamızda oynamayacağımız dəqiqdi, çatdıra bilməyəcəyik. Çünki burda havaların isti keçməsi qazon əkilməsini ləngitdi. İstədik ki, havalar sərinləşsin, ondan sonra qazon əkək. Buna görə də iki ay müddət lazımdı. Ən yaxşı halda Ağsu, Şamaxı ya da Saatlı stadionundan birində keçirəcəyik. Bizə ən yaxın Saatlı olduğu üçün ümid edirəm ki, ev oyunlarıni Saatlı Olimpiya Kompleksində keçirə bilərik”.