“Doğrusu, heç tanımıram o kimdi” – “Kür-Araz”ın prezidenti
Ələmdar Mustafayevin istefasından sonra 2-ci liqa təmsilçisi “Kür-Araz”ın baş məşqçi postu hələ də sahibini tapmayıb.
“Füzuli” ilə yollarını ayıran Nadir Əliyevin də İmişli təmsilçisinin namizədləri siyahısında olduğu deyilir. “Football-plus.az” klub prezidenti Mirheydər Səfiyevlə əlaqə saxlayaraq, boş qalan postla bağlı durumun nə yerdə olduğunu öyrənib:
“Hələ ki heç kimlə danışıq aparmırıq. Bu barədə söhbətləşdikdə nəzərdə tutulan bir-iki nəfərin adı çəkilir. Lakin Nadir Əliyevin adı siyahımızda yoxdu. Doğrusu, heç tanımıram o kimdi. Həlli vacib olan başqa məsələlər də var. Həmçinin AFFA 1-2-ci liqa klublarına maliyyə yardımı ilə bağlı yekun qərar qəbul etməyib. Federasiyanın heyət, büdcə barədə verəcəyi qərardan sonra biz də buna uyğun hərəkət edəcəyik”.
Klub prezidentindən komandadan ayrılanların olub-olmadığını da soruşduq: “Hələ ki komandadan ayrılmaq istədiyini bildirən yoxdu. Həmin heyət necə var, elə də yerindədi. Heç kimi də cəlb etməmişik. Yaxında futbolçularımızla iclas keçirmək istəyirik”.
KAMAL SƏFƏR
Digər xəbərlər
