''Sulşer açıqlamasında 2021-ci ildə AL-in finalında ''Vilyarreal''a qarşı oyunda məni start heyətində oynatmamaqla səhvə yol verdiyini bildirib? Bəli, bunu o vaxt mənim özümə də demişdi. Fikrimcə, həmin matçda uduzmağa layiq deyildik. İndi geriyə boylananda insanlar yəqin, düşünür ki, Sulşer ''Yunayted'' üçün yaxşı məşqçi idi. Tək o yox, Kiran Makenna, Maykl Karrik, Martin Pert, hətta Darren Fletçer də pis məşqçi deyildi. Onlar ən azı şans qazanmağa layiq idi. Amma futbol məhz bu cür oyundu. 2020-ci ildə derbidə ''Siti''ni mənim qolumla 1:0 məğlub etdik. Qvardiola oyundan sonra bir xeyli məndən danışmışdı və ondan tərif eşitmək xoş idi. ''Çelsi'' və ''Yunayted''in heyətində onun klublarına qarşı çox oynamışam. Amma mənim üçün unudulmaz matçların başında 2018-in aprelindəki Mançester derbisi gəlir. ''Siti'' bizi məğlub edəcəyi təqdirdə çempionluğu rəsmiləşdirəcəkdi və fasiləyə 2:0 üstün yollandılar. Mourinyo fasilədə bizə bunları dedi: Qulaq asın, onlar artıq çempionluğu təntənəli şəkildə qeyd etməyə hazırlaşırlar. Bizə isə təlxək gözü ilə baxırlar. Çıxın və təlxək olmadığımızı göstərin''. İkinci hissədə 3 qol vuraraq 3:2 qalib gəldik. Ən pis anım isə məşqçilərin qovulması ilə bağlıdı. Həm Mourinyo, həm də Sulşer qovularkən özümü günahkar hesab edirdim. Çünki mən də o komandanın bir parçası idim. Mourinyo həqiqətən də özəl bir insandı. Digərlərindən əsas fərqi ondadı ki, oyunçularla düzgün və gözəl münasibət qurmağı bacarır. Mourinyonu bir sözlə ifadə edə bilmərəm. Onun haqda az qala bir film də çəkə bilərəm. Çünki onunla bağlı hekayələrim, xatirələrim həddən artıq çoxdu. Getdiyi hər yerdə manşetlərə çıxır. Futbol Mourinyosuz həmin futbol deyil. Premyer-liqa onunla birlikdə daha maraqlı idi. O çempionatda çatışmayan məhz Mourinyodu. Premyer-liqa klublarından biri mütləq onunla anlaşmalıdı”.