“Mançester Yunayted” ötən mövsüm sabiq baş məşqçilərinə görə böyük məbləğdə ziyana düşüb.

“Daily Mail” qəzetinin məlumatına görə, İngiltərə klubu Ole Qunnar Sulşer və Ralf Ranqnikə ümumilikdə 24,7 milyon funt sterlinq təzminat ödəyib. Sulşer ötən ilin noyabrında baş məşqçisi vəzifəsindən qovulub. Norveçli mütəxəssis müqaviləyə vaxtından əvvəl xitam verilməsinə görə klubdan təxminən 7 milyon funt sterlinq alıb. 49 yaşlı çalışdırıcının köməkçilərinə isə 3 milyon funt sterlinq təzminat ödənilib.

Ranqnik Sulşerin istefasından sonra komandanı mövsümün sonuna qədər müvəqqəti çalışdırıb. O, 2 il müddətinə “Yunayted”də məsləhətçi kimi işləməli idi. Ancaq Ranqnik Avstriya millisindən aldığı dəvəti qəbul etmişdi. Buna görə MY rəhbərliyi onun məsləhətçi kimi xidmətindən imtina etməli olmuşdu.