Türkiyə çempionatının 26-cı turunda ''Beşiktaş'' öz meydanında ''Kayserispor''la üz-üzə gəlib.

''Football-plus.az'' xəbər verir ki, İstanbul nəhəngi Ole Qunnar Sulşerin başçılığı altında bu matçda da yüksəlişini davam etdirib. Qartal hər hissənin sonunda bir dəfə fərqlənərək rahat qələbə qazanıb.

İlk yarının sonlarında Joao Mario qələbənin əsasını qoyubsa, əsas vaxta əlavə olunmuş 7-ci dəqiqədə Muçiyə qarşı kobudluğa görə təyin olunan penaltini Semih Kılıçsoy dəqiq yerinə yetirib. Beləliklə, ''Beşiktaş'' 4-ü superliqada, 2-si ölkə kubokunda olmaqla ardıcıl 6-cı qələbəsini qazanıb.

Sulşer son 10 ildə ''ağ-qaralar''ın başında çempionatda 4 oyunluq qələbə seriyası yaxalayan ilk əcnəbi mütəxəssis oldu. Sonuncu dəfə bunu 2015-in yanvar-fevralında xorvatiyalı Slaven Biliç bacarmışdı.

ƏLİ