Karyerasını ''San Paulu''da davam etdirən Luis Qustavo ilə bağlı xəbər var.

Təcrübəli braziliyalı müdafiəçi məşqdə özünü piss hiss etdiyi və sinəsində ağrılar olduğu üçün təcili xəstəxanaya yerləşdirilib. Müayinə zamanı onda ağciyər emboliyası diaqnozu qoyulub. Ürəkdən ağciyərə gedən arteriyanın laxtalanması ilə müşaiyət olunan bu prosesə pulmoner emboliya da deyilir.

Qustavonun xəstəxanada nə qədər qalacağı barədə məlumat yoxdu. Amma onun yaşının 37 olduğunu nəzərə alsaq, bu futbolçunun hətta karyerasını bitirmək ehtimalı da yüksəkdi.

''Sambaçı'' daha öncə ''Hoffenhaym'', ''Bavariya'', ''Volfsburq'', ''Marsel'', ''Fənərbaxça'', ''Əl-Nəssr'' kimi klublarda top qovub. O, 2012/13-də trebl qazanan Münhen nəhənginin önəmli oyunçularından biri idi. ''Fənərbaxça''da isə 3 mövsüm (2019-22) forma geysə də, titul qazana bilməmişdi (97 oyun, 5 qol, 3 məhsuldar ötürmə).