“Atletiko” gözünü Dyökereşə dikib

“Atletiko” “Arsenal”ın hücumçusu Viktor Dyökereşi transfer etməkdə maraqlıdı. 28 yaşlı isveçli futbolçu cari mövsümdə yetərincə oyun vaxtı əldə etmədiyi üçün komandasını dəyişmək imkanını nəzərdən keçirir.

"Football-plus.az" xəbər verir ki, Madrid təmsilçisi hücumçunun karyerasını davam etdirə biləcəyi əsas variantlardan biridi. Bununla yanaşı, İngiltərə premier-liqasının bir neçə klubu da Dyökereşin vəziyyətini diqqətlə izləyir.

İsveçli hücumçu cari mövsümdə İngiltərə çempionatında üç qarşılaşmada iştirak edib və heç bir məhsuldar hərəkətlə yadda qalmayıb. Onun “Arsenal”la müqaviləsi 2030-cu il iyunun 30-na qədər qüvvədədi. Buna baxmayaraq, Viktorun qış “transfer pəncərəsi”ndə London təmsilçisindən ayrılması istisna edilmir.

Qeyd edək ki, “transfermarkt” portalı Dyökereşin bazar dəyərini 55 milyon avro qiymətləndirir.