“Fənərbaxça”nın sabiq baş məşqçisi İsmayıl Kartalın səhhəti ilə bağlı ciddi problemlər yaşaması barədə yayılmış şaiyələr həqiqətə uyğun deyilmiş.

Bu günlərdə Türkiyə mətbuatında Kartalın infarkt keçirməsi və təcili olaraq xəstəxanaya yerləşdirilməsi barədə xəbərlər yayılmışdı. Amma təcrübəli mütəxəssis bununla bağlı paylaşım edərək söz-söhbətlərə son qoyub. O bildirib ki, hər il olduğu kimi bu il də ümumi tibbi müayinədən keçib. Xəstəxanaya yollanmasının səbəbi də məhz budu. Səhhəti ilə bağlı heç bir problemi olmadığına bildirən Kartal yanlış məlumatdan sonra narahatlıq keçirən və zəng vuran, eləcə də mesajlar göndərən hər kəsə təşəkkürünü bildirib. Xatırladaq ki, 63 yaşlı mütəxəssis ötən mövsüm ''Fənərbaxça''nın başında inanılmaz işlər gördü. İstanbul nəhəngi 99 xal toplayaraq öz rekordunu yeniləsə də, çempion ola bilmədi. ''Fənər''dən ayrılan Kartal hazırda işsizdi.

ƏLİ