Fransada turlar arxada qalır, PSJ-nin məğlubiyyətsiz oyunlar seriyası qırılmır ki qırılmır.

Paytaxt klubu bu dəfə səfərdə “Renn”i darmadağın etdi. Əslində uzatma dəqiqələrinə qədər oyunda müəyyən intriqa var idi. Sadəcə, 64-cü dəqiqədə meydana çıxan Dembele ardıcıl iki qol vurmaqla PSJ-nin qələbəsinə şübhə yeri qoymadı.

Xal hesabını 65-ə çatdıran parislilər indi ən yaxın izləyicisindən 16 xal öndədi. “Marsel” və “Nitsa” sinxron şəkildə ev məğlubiyyəti ilə üzləşdi.

Cənublular “Velodrom”da “Lans”a, “Nitsa” isə “Alyans Rivyera”da “Lion”a uduzdu. Turnir cədvəlinin 4-5-ci pillələrində hərəyə 44 xalla “Monako” ilə “Lill” qərarlaşıb. “Knyazlar” “Tuluza” ilə səfər oyununda heç-heçə etdi, “şimallı itlər” aşkar autsayder “Monpelye”yə qalib gəldi.

Turun qalan oyunlarına gəlincə, “Havr”la “Sent-Etyen”in duelində qalib komanda mövqeyini bir qədər yaxşılaşdıra bilərdi. Ancaq məhsuldar heç-heçə ikisini də təhlükəli zonada saxladı. “Brest” evdə “Anje”yə 2:0 hesabıyla qalib gəldi. “Oser” isə səfərdə “Reyms”ə eyni aqibəti yaşatdı. Səfərdə qələbə qazanan komandalardan biri də “Strasbur”du. Liam Rosenyorun çalışdırdığı komanda “Nant”dan üstün oldu.

25-ci tur
Renn – PSJ 1:4
Brasye, 52 – Barkola, 28. Ramuş, 50. Dembele, 90+1; 90+3. (28550)
PSJ: Safonov, Neveş (Kvaratsxeliya, 65), Beraldo, Paço, L.Ernandes (Mendeş, 64), Li Kan İn (Vitinya, 64), Zair-Emeri, Mayulu, Due, Ramuş (Dembele, 64), Barkola (Hakimi, 74).

Marsel – Lans 0:1
Əl-Aynaui, 90+4. (64952)
Marsel: Rulyi, Dediç (Qrinvud, 46), Balerdi, Kondoqbia, Nadir (Enrike, 46), Bennaser (Mope, 78), Heybyerq, Merlen (Rou, 70), Ronjye, Rabyo, Quiri.

Tuluza – Monako 1:1
Maqri, 90+1 – Minamino, 17. (25593)
Monako: Mayetski, Vanderson, Kerer, Mavissa, Enrike, Kamara, Əl-Musrati, Akliuş, Embolo (İlenihena, 74), Minamino (Ben-Seqir, 74), Biret (Sinqo, 82).

Nitsa – Lion 0:2
Şerki, 78. Nuama, 83. (23840)

Lill – Monpelye 1:0
Devid, 50. (19441)

Havr – Sent-Etyen 1:1
Ture, 45+1 – Stassen, 10. (22239)

Brest – Anje 2:0
Sima, 19. Fevr, 60. (14612)

Reyms – Oser 0:2
Ber, 15. Traore, 24. (15474)

Nant – Strasbur 0:1
Lemarşal, 79. (27645)

1. PSJ 25 20 5 0 70-24 65
2. Marsel 25 15 4 6 52-30 49
3. Nitsa 25 13 7 5 49-30 46
4. Monako 25 13 5 7 49-32 44
5. Lill 25 12 8 5 40-27 44
6. Lion 25 12 6 7 46-31 41
7. Strasbur 25 11 7 7 39-32 40
8. Lans 25 10 6 9 30-29 36
9. Brest 25 11 3 11 38-40 36
10. Tuluza 25 9 7 9 32-27 34
11. Oser 25 8 7 10 36-38 31
12. Renn 25 9 2 14 35-36 29
13. Anje 25 7 6 12 26-40 27
14. Nant 25 5 9 11 28-43 24
15. Reyms 25 5 7 13 26-40 22
16. Havr 25 6 3 16 24-51 21
17. Sent-Etyen 25 5 5 15 25-57 20
18. Monpelye 25 4 3 18 21-59 15

Bombardirlər: Dembele (PSJ) – 20, Qrinvud (Marsel) – 15, Devid (Lill) – 14, Barkola (PSJ) – 13.

Növbəti turun oyunları martın 14-16-sı aralığında keçiriləcək: Nitsa – Oser, Nant – Lill, Anje – Monako, Lans – Renn, Lion – Havr, Monpelye – Sent-Etyen, Brest – Reyms, Strasbur – Tuluza, PSJ – Marsel.

Turun rəqəmi
1 – “Reyms” 2020-ci ilin fevralından bəri Liqa 1-də ardıcıl 5 oyunda bir qol da vurmadan məğlub olan ilk komandadı. Həmin vaxt isə “Tuluza” belə aqibət yaşamışdı.

Turun ulduzu
Tyaqo Almada (Lion) – argentinalı dünya çempionu güclü “Nitsa” üzərindəki qələbənin əsas memarı oldu. O, həm Şerkinin, həm də Nuamanın fərqlənməsinə şərait yaratdı. “Şirlər” məhz bu qələbə sayəsində “avrokubok zonası”ndakı yerini qorudu.

Turun sitatı
Luis Enrike, PSJ-nin baş məşqçisi: