Fransada tur PSJ-nin növbəti qələbəsi ilə əlamətdar oldu.

“Lans”ı məğlub etməklə xalını 26-ya çatdıran lider indi ən yaxın izləyicilərindən - “Marsel”lə “Monako”dan 6 xal irəlidədi. “Knyazlar” gözlənilmədən evdə “Anje”yə uduzdu, cənublular isə səfərdə “Nant”ı məğlub etdi. 4-cü pillədə “Lion”la oyunda heç-heçə edən “Lill” qərarlaşıb.

“Lans”ı qəbul edən PSJ artıq 4-cü dəqiqədə hesabı açdı. Sonrakı dəqiqələrdə də paytaxt klubu dəfələrlə fərqi artıra bilərdi. 60-cı dəqiqədə azlıqda qalan qonaqların xal ümidi “dəfn olundu”.

Ötən tur evdə PSJ-yə böyük hesabla uduzan “Marsel”in baş məşqçisi De Zerbi “Nant”la səfər oyununda xüsusən də hücum xəttində ciddi dəyişikliklərə əl atmışdı. Hissənin ortalarında Mope qonaqları irəli çıxarsa da, 39-cu dəqiqədə “status-kvo” bərpa olundu. 2-ci hissənin əvvəlləri bərabər mübarizə şəraitində və qol vəziyyətləri baxımından kasad keçdi. Amma 61-ci dəqiqədə Qrinvud gözəl zərbə ilə “Marsel”in 2-ci qolunu vurdu. Ardından dəyişikliklər, fasilələr, zədələr oldu, bir sözlə, oyunun tempi önəmli dərəcədə aşağı düşdü. “Marsel” hesabı qorumaq üçün oynadısa, “Nant”ın bərabərlik qolu axtarışı uğursuz bitdi.

“Monako”nun qonağı buna qədər yalnız bir qələbəsi olan “Anje” idi. 29-cu dəqiqədə qapısında qol görən “knyazlar” sona qədər çox çalışsalar da, hesabı bərabərləşdirə bilmədilər.

“Havr” – “Monpelye” oyunu autsayderlərin dueli idi. Yeganə qolla qalib gələn “Havr” 6 oyunluq məğlubiyyət seriyasını qırdı. Mövsümdə 8-ci məğlubiyyətini alan “Monpelye” isə yeni baş məşqçi Jan-Lui Qasse ilə də vəziyyəti düzəldə bilmir.

“Qarabağ”ın Avropa Liqasındakı rəqibi “Lion”u qəbul edən “Lill” 17-ci dəqiqədə hesabı açdı. “Şimallı itlər” qələbəyə çox yaxın olsa da, uzatma dəqiqələrində Fofana hesaba tarazlıq gətirdi. “Nitsa” səfərdə “Brest”ə qalib gəldi, “Reyms” səfərdə “Tuluza”ya uduzdu. “Sent-Etyen” evdə “Strasbur” üzərində inamlı qələbə qazandı. “Oser” isə “Renn”in qapısından 4 cavabsız qol keçirdi.

10-cu tur
PSJ – Lans 1:0
Dembele, 4. (47926)
PSJ: Safonov, Hakimi, Markinyos, Paço, Mendeş, Ruis (Zair-Emeri, 71), Vitinya, Neveş, Dembele (Li Kan İn, 61), Asensio (Due, 71), Barkola.

Nant – Marsel 1:2
Kadevere, 39 – Mope, 24. Qrinvud, 61. (33248)
Marsel: Rulyi, Lirola (Kornelius, 69/Ronjye, 87), Balerdi, Kondoqbia, Merlen (Murilyo, 59), Rabyo, Heybyerq, Qrinvud, Kone (Enrike, 59), Rou (Brasye, 69).

Monako – Anje 0:1
Aolu, 29. (10540)
Monako: Mayetski, Diatta, Sinqo, Kerer, Enrike (Uattara, 83), Kamara (Buabre, 80), Minamino, Akliuş, İlenihena (Ben Seqir, 46), Qolovin, Embolo.

Lill – Lion 1:1
Devid, 17 – Fofana, 90+1. (45084)
Lill: Şevalye, Menye (Ture, 85), Dyakite, Mandi, Qudmundsson, Andre, Mukau (Bayo, 81), Jeqrova (Bakker, 84), Qomes (Buaddi, 70), Sahraui (Fernandes-Pardo, 70), Devid.

Brest – Nitsa 0:1
[/b]Gessand, 42. (14534)

[b]Sent-Etyen – Strasbur 2:0
Nade, 51. Sissoko, 78. (33043)

Tuluza – Reyms 1:0
Abuhlyal, 85. (23752)

Havr – Monpelye 1:0
Ture, 73-p. (18703)

Oser – Renn 4:0
Perren, 27; 39. Sinayoko, 64-p. Onaivu, 90+2. (16366)

1. PSJ 10 8 2 0 29-8 26
2. Marsel 10 6 2 2 23-12 20
3. Monako 10 6 2 2 15-7 20
4. Lill 10 5 3 2 16-9 18
5. Nitsa 10 4 4 2 19-9 16
6. Lion 10 4 3 3 17-15 15
7. Lans 10 3 5 2 9-7 14
8. Reyms 10 4 2 4 16-15 14
9. Strasbur 10 3 4 3 19-19 13
10. Oser 10 4 1 5 17-18 13
11. Brest 10 4 1 5 13-16 13
12. Tuluza 10 3 3 4 11-11 12
13. Renn 10 3 2 5 13-16 11
14. Nant 10 2 4 4 12-14 10
15. Anje 10 2 4 4 11-16 10
16. Sent-Etyen 10 3 1 6 10-24 10
17. Havr 10 3 0 7 8-20 9
18. Monpelye 10 1 1 8 8-30 4

Bombardirlər: Barkola (PSJ) – 8, Devid (Lill), Qrinvud (Marsel) – 7.

Növbəti turun oyunları noyabrın 8-10-u aralığında keçiriləcək: Marsel – Oser, Strasbur – Monako, Lans – Nant, Anje – PSJ, Nitsa – Lill, Monpelye – Brest, Havr – Reyms, Renn – Tuluza, Lion – Sent-Etyen.

Turun rəqəmi
7 – Qrinvud ilk 10 turda bu qədər qol vurub. 21-ci əsrdə “Marsel” forması geyən futbolçulardan yalnız Mario Balotelli 7 qol həddinə daha tez (9 oyun) çatıb.

Turun ulduzu
Usman Dembele (PSJ) – oyunboyu fəal təsir bağışladı, hesabı açdı, cari mövsümdə qol sayını 5-ə çatdırdı. Bəzən Luis Enrikenin qəzəbinə düçar olmasaydı, indi qol sayı daha çox olardı.

Turun sitatı
Paulo Barboza, portuqaliyalı agent: