PSJ izləyicilərindən 7 xal uzaqlaşdı - İCMAL
Fransada 15-ci turun mərkəzi oyununda PSJ ilə “Lion” qarşılaşdı. Luis Enrikenin rəhbərlik etdiyi paytaxt klubu haqlı qələbə qazandı, ümumiyyətlə, bu oyunda mübarizə ab-havası duyulmadı. Nəticədə PSJ ən yaxın izləyicilərindən 7 xal uzaqlaşdı. Ona görə ki, liderin ən yaxın izləyiciləri olan “Marsel”lə “Monako” sinxron şəkildə xal itirdi.
Cənublular “Lill” ilə 1:1 hesabı heç-heçəyə razılaşdı, “knyazlar” isə “Reyms”in qapısına yol tapa bilmədi – 0:0.
Turun qalan oyunların gəlincə, “Nitsa” elitada yerini qorumağa çalışan “Monpelye” ilə qarşılaşmada xal itirdi. “Nitsa” iki dəfə irəli çıxdı, amma qələbəni qoruya bilmədi. “Oser” – “Lans” oyununda da 2:2 hesabı qeydə alındı. Burda da qonaqlar iki dəfə önə keçdi və qələbəni əldən verdi.
“Brest” “doğma divarlar” arasında “Nant”ı darmadağın etdi. “Havr” isə evdə “Strasbur”a 0:3 hesabıyla uduzdu. “Tuluza” – “Sent-Etyen”, “Renn” – “Anje” oyunlarında meydan sahibləri qalib gəldi.
15-ci tur
PSJ – Lion 3:1
Dembele, 8. Vitinya, 14. Ramuş, 88 – Mikautadze, 40. (47000)
PSJ: Donnarumma, Hakimi, Beraldo (Markinyos, 64), Paço, Mendeş (L.Ernandes, 64), Zair-Emeri, Vitinya, Neveş, Dembele (Ruis, 86), Due (Ramuş, 83), Li Kan İn (Barkola, 64).
Marsel – Lill 1:1
Merlen, 17 - Dyakite, 87. (64380)
Marsel: Rulyi, Murilyo, Balerdi, Kondoqbia, Enrike, Heybyerq, Ronjye (Kornelius, 74), Merlen (Lirola, 74), Qrinvud (Nadir, 84), Rabyo, Mope (Rou, 88).
Reyms – Monako 0:0
(15859)
Monako: Ken, Sinqo, Kerer, Mavissa (Enrike, 77), Teze (Salisu, 67), Maqassa (Kamara, 81), Qolovin, Uattara (Akliuş, 68), Minamino, Ben Seqir, İlenihena (Embolo, 67).
Tuluza – Sent-Etyen 2:1
Babika, 55. Abuhlyal, 86 – Stassen, 53. (25350)
Oser – Lans 2:2
Perren, 31. Oşo, 73 – Əl-Aynaui, 22. Nzola, 45. (17052)
Monpelye – Nitsa 2:2
Şotar, 22. Sen-Lyus, 80 – Lyabord, 17. Buanani, 28. (11612)
Brest – Nant 4:1
Dumbiya, 24. Şardonne, 27. Sima, 88; 90+3 – Auqusto, 48. (15019)
Havr – Strasbur 0:3
Diarra, 28. Nanasi, 32. Santos, 90. (17071)
Renn – Anje 2:0
Qrenbek, 33. Assinyon, 90+2. (27781)
1. PSJ 15 11 4 0 40-12 37
2. Marsel 15 9 3 3 32-18 30
3. Monako 15 9 3 3 24-12 30
4. Lill 15 7 6 2 25-15 27
5. Lion 15 7 4 4 27-20 25
6. Nitsa 15 6 6 3 28-19 24
7. Lans 15 6 6 3 19-14 24
8. Oser 15 6 3 6 23-23 21
9. Tuluza 15 6 3 6 17-17 21
10. Reyms 15 5 5 5 20-18 20
11. Brest 15 6 1 8 24-27 19
12. Renn 15 5 3 7 21-20 18
13. Strasbur 15 4 5 6 25-27 17
14. Anje 15 3 4 8 14-26 13
15. Sent-Etyen 15 4 1 10 12-34 13
16. Nant 15 2 6 7 17-25 12
17. Havr 15 4 0 11 11-29 12
18. Monpelye 15 2 3 10 15-38 9
Bombardirlər: Devid (Lill) – 11, Barkola (PSJ), Qrinvud (Marsel) – 10.
Turun rəqəmi
16 – “Lill” bütün turnirlər çərçivəsində keçirdiyi son 16 oyunun heç birində uduzmayıb. “Şimallı itlər” bu oyunların 9-da qələbə qazanıb, 7-də heç-heçə edib. Bu, klub tarixinin ən uzun 2-ci məğlubiyyətsiz oyunlar seriyasıdı. 1973-ün oktyabrından 1974-ün martına qədər 17 oyunda uduzmayıblar.
Turun ulduzu
Usman Dembele (PSJ) – qol vurmaqla yanaşı, “Lion” müdafiəsini daim gərginlikdə saxladı, komanda yoldaşlarını dəfələrlə zərbə mövqeyinə çıxardı. Bir ara Luis Enrikenin gözündən düşsə də, tədricən mövqeyini bərpa edir.
Turun sitatı
Luis Enrike, PSJ-nin baş məşqçisi:
“Statistikanı öyrənsək, bu, baş məşqçi kimi ən yaxşı mövsümümdü. Tənqid düşünülmüş yalandı. Rəqəmlər baxımından ən yaxşı mövsümümü keçirirəm. Elə qol vəziyyətlərinin sayı baxımından da. Mən yalnız müsbət məqamları görürəm. Mövsümün əvvəlindən bəri başlayan tənqidlərə fikir vermək lazım deyil. Əksər jurnalistlər deyirdilər ki, heyətimiz hətta Fransada da ən yaxşı deyil. Tədricən hər şey öz yerini tutur. Çempionlar Liqasındakı çətinlikləri də nəzərə alsaq, mən bu mövsümdən razıyam”.
Faktlar
* “Brest” 2024-cü ildə çempionatda keçirdiyi oyunların 43,8 faizində qalib gəlib, 52 qol vurub. Bu isə klubun elitada bir təqvim ili ərzində ən yüksək göstəricisidi.
* “Monpelye” (20) – “Nitsa” (18) oyununda qapılara 38 zərbə vuruldu. Bu, Liqa 1-in cari mövsümündəki ən yüksək göstəricinin təkrarlanmasıdı (avqustun 18-də keçirilən “Renn” – “Lion” oyununda da 38 zərbə olmuşdu).
Digər xəbərlər
