PSJ ilə “Monako” arasındakı duel Fransa Superkuboku uğrunda oyuna görə ötən ay keçirilmişdi.

16-cı turun başqa nəticələrinə gəlincə, “Marsel” autsayderlərdən “Havr”ı darmadağın etdi. Cənublular hesabı 5:0-a çatdırandan sonra bir qədər sakitləşdilər və qonaqlar bundan təsəlli qolu vurmaq mənasında yararlandı. “Marsel” lider PSJ ilə xal fərqini 7-yə endirdi, həmçinin “Monako”dan 3 xal uzaqlaşdı. “Lill”in də xal hesabında “knyazlar”a çatmaq imkanı var idi. Sadəcə, “şimallı itlər” evdə autsayderlərdən “Nant”ın müqavimətini qıra bilmədi. “Lill” ilə yanaşı, “Lion”un da 28 xalı var. Autsayder “Monpelye”ni 1:0 hesabıyla məğlub edən “şirlər” Bruno Jenezionun komandasından yalnız əlavə göstəricilərə görə geri qalır. Hesabat turunda “Renn” ilə “qol yağışı”ndan qalib ayrılan “Nitsa”nın 27 xalı var.

“Lans” özündən 3 xal geri qalan “Tuluza”nı qəbul etdi və gözlənilmədən uduzdu. “Sent-Etyen” evdə “Reyms”i 3:1 hesabıyla məğlub etdi. “Strasbur” – “Oser” oyununda da eyni hesab qeydə alındı. “Anje” – “Brest” oyununda isə meydan sahibləri inamlı qələbə qazandı.

16-cı tur
Marsel – Havr 5:1
Ronjye, 25. Nadir, 39. Mope, 43. Vai, 66. U.Qarsiya, 75 – Ayyu, 85. (64092)
Marsel: Rulyi, Murilyo, Balerdi, Kornelius (Bakola, 79), Enrike, Nadir (Kone, 46), Ronjye (Rou, 74), Merlen (U.Qarsiya, 73), Qrinvud, Rabyo, Mope (Vai, 59).
Lill – Nant 1:1
Qudmundsson, 40 – Ablin, 70-p. (41635)
Lion – Monpelye 1:0
Fayyad, 90+1-öz qapısına. (48162)
Nitsa – Renn 3:2
Gessand, 12. Diop, 34. Lyabord, 45+5 Kalimuendo, 27. Tryuffer, 49. (21332)
Sent-Etyen – Reyms 3:1
Boakye, 50; 57. Stassen, 81 Nakamura, 42. (14201)
Lans Tuluza 0:1
Abuhlyal, 73-p. (37461)
Anje Brest 2:0
Lepol, 6. Nyan, 90+5. (12691)
Strasbur Oser 3:1
Diarra, 45+4-p. Lemarşal, 59. Emeqha, 87 – Traore, 14. (19471)

Bu turun “Monako” – PSJ oyunu (2:4) dekabrın 18-də keçirilib.

1. PSJ 16 12 4 0 44-14 40
2. Marsel 16 10 3 3 37-19 33
3. Monako 16 9 3 4 26-16 30
4. Lill 16 7 7 2 26-16 28
5. Lion 16 8 4 4 28-20 28
6. Nitsa 16 7 6 3 31-21 27
7. Lans 16 6 6 4 19-15 24
8. Tuluza 16 7 3 6 18-17 24
9. Oser 16 6 3 7 24-26 21
10. Strasbur 16 5 5 6 28-28 20
11. Reyms 16 5 5 6 21-21 20
12. Brest 16 6 1 9 24-29 19
13. Renn 16 5 2 9 22-23 17
14. Anje 16 4 4 8 16-26 16
15. Sent-Etyen 16 5 1 10 15-35 16
16. Nant 16 3 6 7 18-25 15
17. Havr 16 4 0 12 12-34 12
18. Monpelye 16 2 3 11 15-39

Bombardirlər: Devid (Lill) – 11, Barkola (PSJ), Qrinvud (Marsel) – 10, Dembele (PSJ) – 8.

Turun rəqəmi
1 – “Renn” ilk 8 səfər oyununda yalnız bir xal toplayıb (1 heç-heçə, 7 məğlubiyyət). Bu isə 1986/87 mövsümündən bəri turnirin indiyəqədərki mərhələsi üçün ən aşağı göstəricidi.

Turun ulduzu
Usman Dembele (PSJ) Monako ilə səfər oyununda həm hesabı bərabərləşdirdi, həm də “knyazlar”ın bərabərlik qolu axtarışında olduğu anlarda 4-cü topu onların qapısından keçirdi. Baş məşqçi ilə problemi yoluna qoyandan sonra karyerasının zirvə dönəmini yaşayır.

Turun sitatı
Roberto De Zerbi, “Marsel”in baş məşqçisi: