Fransa çempionatının liderləri sözləşibmiş kimi hərəyə üç qol vurdu. PSJ evdə ortabablardan “Tuluza”nı darmadağın etdi.

Xalını 32-yə çatdıran paytaxt klubu ən yaxın izləyicisi “Monako”dan 6 xal irəlidədi. “Knyazlar” hesabat turunda “Brest”i məğlub etdi. “Marsel” isə “Lans”ın qonağı idi. İlk yarısı qolsuz bitən oyunda bütün qollar 2-ci hissədə vuruldu. Cənublilər 3:1 hesablı inamlı qələbə sayəsində 3-cü pillədəki yerini qorudu.

“Lill” “Marsel”dən cəmi 1 xal geri qalır. “Şimallı itlər” səfərdə “Renn”i bir qolla məğlub etdi. Cümə axşamı “Bəhramov”un yaşıl meydanına çıxacaq “Lion” “Reyms”lə səfər oyununda xal itkisindən qaça bilmədi. “Şirlər” 19 xalla 6-cı pillədə qərarlaşıb.
Turun qalan oyunlarına gəlincə, “Havr” səfərdə “Nant” üzərində vacib qələbə qazandı. “Nitsa” evdə “Strasbur”dan üstün oldu. “Oser” – “Anje”, “Sent-Etyen” – “Monpelye” oyunlarının taleyini bir qol müəyyənləşdirdi ki, onu da meydan sahibləri vurdu.

12-ci tur
PSJ – Tuluza 3:0
Neveş, 35. Beraldo, 84. Vitinya, 90+1. (47000)
PSJ: Safonov, Hakimi, Şkrinyar, Beraldo, Zaqe (Vitinya, 46), Zair-Emeri, Neveş, Dembele (Ruis, 73), Asensio, Barkola (Kolo Muani, 81), Due (Li Kan İn, 60).

Monako – Brest 3:2
Akliuş, 5; 90+1. Qolovin, 24 – Sima, 50. Ajork, 90+6. (5800)
Monako: Mayetski, Vanderson (Sinqo, 80), Salisu, Kerer, Mavissa, Zakariya, Maqassa, Ben Seqir (Teze, 80), Qolovin (Uattara, 90+2), Akliuş, Embolo (İlenihena, 68).

Lans – Marsel 1:3
Füljini, 80 – Ronjye, 49. Enrike, 57. Heybyerq, 89. (38823)
Marsel: Rulyi, Murilyo, Balerdi, Kondoqbia, Qarsiya, Ronjye (Nadir, 78), Heybyerq, Rabyo, Qrinvud (Rou, 81), Mope (Vai, 90+2), Enrike.

Lill – Renn 1:0
Jeqrova, 45. (46019)

Reyms – Lion 1:1
Dyakite, 55 – Şerki, 38. (18500)

Nant – Havr 0:2
Kazimir, 3. Nqura, 74. (26936)

Nitsa – Strasbur 2:1
Bar, 54. Silla, 62-öz qapısına – Bakva, 20. (18389)

Oser – Anje 1:0
Traore, 90+3. (16120)

Sent-Etyen – Monpelye 1:0
Buşuari, 47. (33008)

1. PSJ 12 10 2 0 36-10 32
2. Monako 12 8 2 2 21-10 26
3. Marsel 12 7 2 3 27-16 23
4. Lill 12 6 4 2 19-11 22
5. Nitsa 12 5 5 2 23-12 20
6. Lion 12 5 4 3 19-16 19
7. Oser 12 6 1 5 21-19 19
8. Reyms 12 5 3 4 20-16 18
9. Lans 12 4 5 3 13-12 17
10. Tuluza 12 4 3 5 13-14 15
11. Strasbur 12 3 4 5 21-24 13
12. Brest 12 4 1 7 16-22 13
13. Sent-Etyen 12 4 1 7 11-25 13
14. Havr 12 4 0 8 10-23 12
15. Renn 12 3 2 7 13-19 11
16. Nant 12 2 4 6 14-19 10
17. Anje 12 2 4 6 13-21 10
18. Monpelye 12 2 1 9 11-32 7

Bombardirlər: Barkola (PSJ) – 10, Qrinvud (Marsel) - 8, Devid (Lill) – 7.

Turun rəqəmi
1 – payızda “Monako” ilə müqaviləsini yeniləyən Qolovin cari mövsümdə ilk qolunu vurdu. Ümumiyyətlə, rusiyalı yarımmüdafiəçinin hesabında məhsuldar ötürmə də yox idi.

Turun ulduzu
Maqnes Akliuş (Monako) – cari mövsümdə indiyə qədər fərqlənməyən gənc yarımmüdafiəçi “Brest”lə oyunun qəhrəmanı oldu. Erkən qol vurdu və qonaqların hesabı bərabərləşdirməyə yaxın olduğu anlarda yenə də fərqləndi.

Turun sitatı
Adi Hütter, “Monako”nun baş məşqçisi: