Camal Musiala ilə bağlı söz-söhbətə birdəfəlik son qoyulub.

"Football-plus.az" xəbər verir ki, o, hazırkı komandasında daha uzun müddət çıxış edəcək.

“Bavariya” gənc futbolçusu ilə müqaviləni yeniləyib. Almaniya klubunun mətbuat xidmətinin məlumatında yarımmüdafiəçinin yeni sözləşməsinin müddətinin 2030-cu ilin yayına qədər artırıldığı bildirilib.

Qeyd edək ki, Camal peşəkar karyerasının əvvəlindən Münhen klubunda çıxış edir. Almaniya yığmasının da üzvü olan 21 yaşlı yarımmüdafiəçi bu mövsüm “Bavariya”da bütün tunirlərdə 30 matçda iştirak edib, 15 qol vurub, 8 məhsuldar ötürmə verib.

Onun komandadakı ümumi göstəriciləri isə 193 oyuna, 58 qola və 38 məhsuldar ötürməyə bərabərdi.