Milli Çiliyə də uduzdu - DÇ

Millimiz Bakıda təşkil olunan FIFA U-15 dünya çempionatında növbəti oyununu keçirib.

"Football-plus.az" xəbər verir, Famil Xəlilovun baş məşqçisi olduğu kollektiv C Divizionunun 1/16 final mərhələsində Çili yığması ilə üz-üzə gəlib.
Görüş rəqibin 3:1 hesablı qələbəsi ilə yekunlaşıb.

Yığma bu gün, saat 18.15-də Cəbəllütariq yığmasını sınağa çəkəcək.

U-16 mundialdakı ilk oyununda Timor-Lesteni altı cavabsız qolla üstələyib, İsraili məğlub edib - 3:1. Andorraya minimal hesabla (1:0) qalib gələn millimiz Avstraliyaya 1:3, Haitiyə 0:4 hesabı ilə uduzub. Famil Xəlilovun baş məşqçisi olduğu kollektiv hazırda 65-96-cı yerlər uğrunda mübarizə aparır.

Dünya çempionatı oktyabrın 30-da Bakı Kristal Zalında keçiriləcək altı final oyunu, mükafatlandırma və bağlanış mərasimi ilə yekunlaşacaq.