“Yuventus” iki futbolçusu ilə müqaviləni yeniləyib.

Xuan Kuadradonun sözləşməsinin müddəti 2023-cü ilin yayınadək uzadılıb. 33 yaşlı yarımmüdafiəçi Turin klubunda 2015-ci ildən çıxış edir. Kolumbiyalı futbolçu ötən müddət ərzində bütün turnirlərdə 262 oyunda meydana çıxıb, 24 qol vurub və 53 məhsuldar ötürmə edib.

“Yuventus” qapıçı Mattia Perin ilə müqaviləni də yeniləyib. 29 yaşlı oyunçunun yeni sözləşməsinin müddəti 2025-ci ilin yayına qədər nəzərdə tutulub. İtalyan qapıçı Turin klubunda 2018-ci ildən çıxış edir. O, bu mövsüm 3 matçda meydana çıxmaq şansı qazanıb.