“Reallıqla danışanda həqiqətən vaxt azdı. Bu müddət əvvəlki illərlə müqayisədə daha qısadı. Sadəcə, indiki vəziyyətdə Bakıda meydançaların çox olmaması üzündən bir çox komandanın məşq üçün əziyyət çəkdiyini görürdük. Həm də qışdı, hava şəraiti çətin olacaq. Sağ olsunlar, rəhbərlik futbolçuların yaxşı məşq keçməsi üçün şərait yaradıb. Vaxt azlığı və yorğunluq haqda düşünmürük. Kollektiv olaraq yaxşı təlim-məşq toplanışı keçərək çempionata tam hazır olmağa çalışacağıq. Kənardan deyilənlərə fikir vermirik. Komanda olaraq indi hər kəs istirahətdədi. İnşallah komanda şəklində yığışıb, ideal formaya düşmək üçün hər kəs can-başla işini görəcək”.