Başa çatan mövsümdə yaxşı mənada adından söz etdirən klublardan biri də “Turan Tovuz” oldu.

Ayxan Abbasovun ötən yay demək olar sıfırdan yığdığı komanda çempionatı 6-cı pillədə başa vurmaqla yanaşı, ölkə kubokunun yarımfinalına yüksəlməklə tovuzlu azarkeşlərə xoş anlar yaşatdılar.

“Boz qurd”ların növbəti mövsümdə daha iddialı olacağını indidən söyləmək mümkündü. Ayxan bəy də açıqlamalarında inkişaf etmək istədiklərini, ildən-ilə iddialarını artırmaq istədiklərini dəfələrlə vurğulayıb. Artıq bu yöndə addımlar atılır. Klubun büdcəsinin artacağı, infrastrukturla bağlı yeni layihələrin gerçəkləşəcəyi gözlənilir. Ötən yay çətinliklə Gürcüstanda təlim-məşq toplanışı keçən komandanın bu yay daha səviyyəli məkana yollanmağı planlaşdırır ki, bu da komandanın yeni mövsümə daha yaxşı hazırlaşması üçün nəzərdə tutulub.

“Football-plus.az”ın əldə etdiyi məlumata görə, “boz qurd”lar toplanışa Bakıda başlayıb, ardınca Türkiyəyə yollanacaqlar. Ayxan bəyin çalışdırdığı komanda iyulun 10-da 2 həftəlik toplanış üçün qardaş ölkənin Qılzılcahamam bölgəsinə yola düşəcək.

RƏŞAD