“Hazırlıq plan üzrə reallaşdı. Əvvəlcədən nəzərdə tutulan kimi məşqlərimizi keçdik. Üç yoxlama oyunu nəzərdə tutulsa da, biri baş tutmadı. Sözsüz, yoxlama görüşlərinin sayı nə qədər çox olsa, bir o qədər yaxşıdı. Çünki komandanın zəif tərəflərini yaxşı görə bilirik. Amma bizdən asılı olmayan səbəbdən, təəssüf ki, 3-cü oyun alınmadı. Ümumi götürsək, təlim-məşq toplanışını yaxşı səviyyədə başa vurduq. Təbii ki, Kurban müəllimlə fərqli hazırlıq keçirdik. Hər məşqçinin öz üslubu, oyun taktikası olur. Baş məşqçimiz ilk növbədə intizama önəm verən adamdı. Futbolçulardan bunu, rejimə diqqət yetirməyi tələb edir. Öz futbol fəlsəfəsini bizə ötürməyə çalışır. Başa düşmədiyimiz məqamlar olanda ondan soruşmağımızı tələb edir. Düşünürəm ki, hər futbolçu belə baş məşqçiylə işləmək istəyər. Çünki ondan öyrəniləcək çox şey var”.

“Artıq dönmüşük. Sabah istirahət edəcəyik. İnşallah, iyulun 28-dən məşqləri bərpa edəcəyik. Bir həftəyə qədər çalışacağıq ki, çempionata tam hazır olaq. Yeni komanda yoldaşlarımız da artıq bizə uyğunlaşıb. Hamımız bir olub, komanda şəklində uğur qazanmağa çalışacağıq. Bu il çempionat daha ağır keçəcək. Komandalar daha da güclənir, transferlər edir. Avrokuboklarda oynayan komandalar tez toplanıb, formaya düşüb. Düşünürəm ki, ağır mövsüm olacaq. Hər komanda qələbə və xallar qazanmaq istəyi ilə meydana çıxacaq. Biz isə mövsümün sonunda Konfrans Liqasına yollanmaq istəyirik”.