“Niftəliyev dedi ki, bizi komandada görmək istəmir” – Mövlanla əvəzlənən qapıçı
“Mingəçevir”də mövsümün əvvəlində yaşanan şübhəli hadisədən yazmışıq.
Xatırladaq ki, həmin vaxt 6 futbolçunun yola salınması bahasın transfer edilən futbolçuların - Muxtar Nəzərli ilə Mövlan Kərimovun adı indi danışılmış oyunlarda hallanır. Bəli, o dönəmdə komandadan uzaqlaşdırılanlar sırasında Toğrul Məhəmmədəliyev də var ki, qapıçını baş məşqçi Ədəhim Niftəliyevin qərarıyla Mövlan əvəzləyib.
Qeyd olunanlar haqda ətraflı bilgi almaq məqsədi ilə Toğrulla əlaqə saxladıq. Onun “Football-plus.az”a cavabı:
“O vaxt bizə dəqiq nəsə deyilmədi. Gah maddi problemlərdən söz açdılar, gah da fərqli bəhanələr gətirdilər. Bəli, çempionatın başlamasına bir neçə gün qalmış komandadan uzaqlaşdırıldıq. Bizim üçün gözlənilməz oldu. Baş məşqçi Ədəhim Niftəliyev dedi ki, bizi komandada görmək istəmir. “Mingəçevir” öz şəhərimin komandasıdı. Bacardığımız qədər kömək etmək istəyirdik. Region Liqasından bəri bu kollektivdə tər tökmüşdük. Amma konkret səbəb deyilmədən uzaqlaşdırıldıq. Niftəliyevin haqsızlığı çoxunu komandadan iyrəndirdi. Eləcə də məni. Amma bundan sonra şans olsa, “Mingəçevir”in uğurları üçün meydana çıxmağa hazıram”.
Xatırladaq ki, Toğrul yeni müqavilə bağlayandan cəmi üç gün sonra komandadan uzaqlaşdırılıb.
KƏNAN BAHADIR
Digər xəbərlər
