“Əvvəlki müsahibələrimdə bildirmişdim ki, sponsor gəlməsə, bu şəraitdə qalmayacam. Klubda problemlər həddən artıqdı. İstədiyim şəraiti yarada bilmədik. Problem problemin üstündəydi. Həm maddi, həm də mətbuatda yazılanlar baxımından. Bu təzyiqin altında hər şeydən iyrənmişdim. Burdan ayrılmaq üçün səbirsizlənirdim. Elə gün sayırdım ki, tezləşdirək çıxım gedim. Yəni sponsor olmadı. Mənə dedilər ki, səbirli ol, yaxşı olacaq. Baxıram ki, səbr qalmayıb. Bundan sonra daha çətin olacaqdı. İstədiyim futbolçunu gətirə bilmədim, istədiyim şəraitdə məşq keçə bilmədim. Oyunçu sayım az oldu. Sanki hakimlər də Mingəçevirə məşqə gəlirdi. Oyunda penaltinin, “qırmızı”nın üstündə işləyirdilər. Elə bil bizi yiyəsiz komanda kimi qəbul edirdilər. Hər şey göz qabağındadı. Mən də onlara tab gətirə bilmədim. Bildirmişdim ki, qışa qədər komandadan ayrılacam. Yenə də son sözü Bakıdakı rəhbərliklə görüşüb biləcəyik. Yalnız ondan sonra müqaviləmə xitam verdirəcəm. Hələ ki müqaviləmə xitam verdirməmişəm. Yalnız sözdə demişəm”.