“Əvvəlki müsahibələrimdə bildirmişdim ki, sponsor gəlməsə, bu şəraitdə qalmayacam. Klubda problemlər həddən artıqdı. İstədiyim şəraiti yarada bilmədik. Problem problemin üstündəydi. Həm maddi, həm də mətbuatda yazılanlar baxımından. Bu təzyiqin altında hər şeydən iyrənmişdim. Bildirmişdim ki, qışa qədər komandadan ayrılacam. Yenə də son sözü Bakıdakı rəhbərliklə görüşüb biləcəyik. Yalnız ondan sonra müqaviləmə xitam verdirəcəm. Hələ ki müqaviləmə xitam verdirməmişəm. Yalnız sözdə demişəm”.

“Klub rəhbərliyi olaraq, Ədəhim Niftəliyevlə danışmışam. Şəxsən özünə hər şey başa salınıb. Burda anlaşılmaz nəsə yoxdu. Komandanın uğursuz nəticələrinə görə biz bu qərarı məqsədəuyğun saymışıq. Hətta sponsorun gəlib-gəlməyəcəyindən asılı olmayaraq, yekun qərarımız Ədəhim Niftəliyevlə yolları ayırmaq olub. Qarşılıqlı razılıq əsasında sağollaşmışıq. Dünya futbolunda da belədi ki, komanda uğursuz nəticələr göstərərsə, baş məşqçi yola salınır. Hətta bir neçə tur əvvəldən planlaşdırırdıq ki, sağollaşaq. Sadəcə, fasiləyəqədərki oyunlar nəzərə alınaraq Ədəhim Niftəliyevə bir az da şans verildi, amma özünü doğrultmadı. Özünə bildirilib, şəxsi söhbətimiz də olub. Ona gələcək karyerasında uğurlar arzulamışıq”.

“Yazılanların heç bir əsası yoxdu. Azər Həşimovla nə rəsmi görüşümüz olub, nə də o haqda danışığımız. Bayramdan sonra klubun iclası keçiriləcək. Bu zaman nəticələr təhlil olunacaq. Müzakirələrdən sonra kimin gətiriləcəyi haqda müəyyən qərarlar veriləcək. İndiki durumda Azər Həşimovla heç bir əlaqəmiz yoxdu. Yazılanlar hamısı “feyk” xəbərlərdi”.