“Deyilən sözlərin heç bir əsası yoxdu. Əvvəla, sponsorla bağlı yenilik yoxdu. Sadəcə, kimsə bizim adımızdan “qara piar” aparır. Qaldı ki baş məşqçi məslələsinə, burda gizlətməli məqam yoxdu. Belə niyyət olarsa, qış fasiləsində yığışıb iclas keçirərək qərar verərik. Belə fikirlərin hardan yarandığını bilmirik. Ədəhim bəylə yola davam edirik. Onun göndərilməsi, yerinə namizədr axtarılması ilə bağlı xəbərlər həqiqəti əks etdirmir”.

“Barəmdə olmayan xəbərlər yazırlar. Düzdü, özüm oxumamışam, amma məlumat veriblər. Heç mənim özümdən də soruşmurlar ki, belə məlumatlar var, sizin bundan xəbəriniz var, ya yox. Hansı ki, o xəbərləri yazdıranlar vaxtilə oyun alğı-satqısına görə tutulan, futboldan silinən adamlardı. Ona görə yazdırırlar ki, onların bazarını bağlamışam. Fikirləri “Mingəçevir”i pis vəziyyətə salımaqdı. Onlar istəyir ki, yenidən kluba nəzarəti ələ keçirsinlər, alverlə məşğul olsunlar. Buna görə mənə qarşı çirkin kampaniya aparırlar ki, bezim gedim, bunlar iş başına keçsin. Amma nə qədər ki burdayam, buna imkan verməyəcəm. Hətta lazım gəlsə, pulsuz da işləyərəm, amma imkan vermərəm ki, Mingəçevir futbolunu yenidən alver meydanına çevirsinlər. Mən bu klubda oynamışam, bu şəhər doğma yurdumdu. Onlar bilmirlər ki, bu klub Mingəçevirinindi, şəxsi klub deyil. Bir ara xəbər buraxdılar ki, guya məni döyüblər. Hamısı tam yalan söhbətlər idi. Sonra guya bəzi futbolçuları komandadan qovmuşuq. Bu da yalan söhbətdi. Hətta bir ara dedilər ki, legioner almışıq, mən də menecerlərdən pul qazanmışam. Halbuki məndən soruşsaydılar, bilərdilər ki, bizim komanda legioner yoxdu. Yəni istefam barədə də qəsdən yalan şayiələr yayırlar ki, klubu buraxıb gedim. Rəhbərliklə danışığım var. Bir il əvvəl razılaşmışıq ki, yanvarda yeni sponsor gələcək. Komandanı ötən mövsüm 1-ci liqada saxladıq. İndi söz veriblər ki, nəticələrdən sonra mütləq kluba sponsor olacaq. İndi burda, belə şəraitdə işləmək hər məşqçinin hünəri deyil. Klubun maliyyə dayağı yoxdu. Oyunlara gedəndə avtobus tuta bilmirik, bəzən cibimin pulunu xərcləyirəm. Futbolçulardan biri başından zədə alırsa, yerinə oynatmağa futbolçu tapmırıq. Yəni düşünün, mən necə vəziyyətdə klubu ayaqda saxlamağa çalışıram. Guya başqa yerdə iş tapa bilmərəm?! Sadəcə, sifarişlə yazıb, məni burdan uzaqlaşdırmağa çalışırlar. İmkan vermirlər işimizi görək. Mənasız söhbətlər çıxarmağa ehtiyac yoxdu. Rəhbərlik də, mən də komandanın nəticələri üçün çalışırıq, burdayıq”.