“Kənarda oynamağın heç bir problemi yoxdu. Tovuz da yaxın bölgədi. “Turan Tovuz” rəhbərliyi də sağ olsun, şərait yaradıb oynamağa. Komanda çempionatın əvvəlində seleksiya işini düzgün aparmadı. Hamı bilir ki, “Kəpəz”in bu rəhbərliyinə heç kim yaxın gəlmir. Mən o zaman İlqar Nadirovun özünə də demişdim ki, istefa ver, çıx get, “Kəpəz”ə sponsor gəlsin. Burda bir məsələ var ki, sponsor nəyə görə gəlmir. Klubun rəhbərliyi getmək istəmir. İlqar Nadirovun özünə də demişəm ki, sən yox idin, “Kəpəz” var idi. Gəncə futbolunun xatirinə istefa ver, çıx get. Özü də deyir ki, sponsor gəlsin, mən istefa verim. Nə fərqi var ki, sponsor gəldi, ya gəlmədi. Sən çıx get, sponsor gələcək. “İmişli”nin sponsoru gəlib stadiona baxmışdı. Rəhbərlik nə dedi, nə demədi, sonra gəlmədilər. Onlar premyer-liqa klubunu götürmək istəyirdilər. Klub rəhbərliyi Gəncə futbolunu məhv edib. O qədər nöqsan var ki, deməklə bitməz. Bunlar istefa versə, sponsor tez gələcək”.