Hazırda Türkiyənin 1-ci liqasında çıxış edən ''Fatih Karagümrük''lə bağlı maraqlı xəbər var.

İstanbul təmsilçisi ünlü bir futbol adamına rəsmi təklif irəli sürüb. Ötən il dördillik fasilədən sonra elitanı tərk edən ''Karagümrük'' aşağı liqada pis təsir bağışlamır. Komanda hazırda 3-cü pillədədi və yenidən superliqaya qayıtmaq niyyətindədi. Amma faktiki olaraq komanda baş məşqçisizdi.

Noyabrın əvvəllərində baş məşqçi Şenol Can rəhbərliklə münasibətləri pozulduğu üçün istefaya göndərilmişdi. Həmin vaxtdan bu yana komandanı köməkçi-məşqçi David Sassarini çalışdırır. Bu məşqçi yaxşı nəticələr əldə etsə, də rəhbərlik Robbi Kinə təklif irəli sürüb. Futbolçu kimi kifayət qədər məşhur sima olan Kin məşqçi kimi də özünü sübut etmək istəyir.

44 yaşlı irlandiyalı mütəxəssis son olaraq ötən mövsüm Tel-Əviv ''Makkabi''sini çalışdırmış və ilk cəhddəcə komandanı çempion etmişdi. Buna baxmayaraq İsrail klubunun rəhbərliyi yayda onunla yeni müqavilə imzalamadı. Bu üzdən Kin hazırda işsizdi.

''Fatih Karagümrük''ün artıq dünya futbolunun tanınmış simalarını Türkiyəyə dəvət etmək təcrübəsi kifayət qədərdi. Bu komanda 2022/23-ü italiyalı əfsanə Andrea Pirlonun başçılığı altında keçirmişdi.

Robbi Kin 90-cı illərin sonlarında, 2000-ci illərin əvvəllərində çox populyar simalardan olub. O, premyer-liqada ''Koventri'', ''Vest Hem'', ''Liverpul'', ''Tottenhem'', ''Aston Villa''nın heyətində ümumilikdə 349 oyun keçirərək 126 qol vurub.

ƏLİ