Türkiyənin 1-ci liqa təmsilçisi ''Ümraniyəspor''da məşqçi istefası yaşanıb. İstanbul təmsilçisi yayda böyük ümidlərlə baş məşqçi postuna gətirilən Tuncay Şanlı ilə yollarını ayırıb.

Tuncayın qarşısına komandanı ən azı pley-off zonasına daşımaq hədəfi qoyulmuşdu. Əslində komandanın bu hədəfdən uzaq düşdüyünü söyləmək olmaz. ''Ümraniyəspor'' 14 oyuna 19 xal toplayıb və pley-offda iştiraka imkan verən 7-ci pillədən cəmi 2 xal geridədi. Amma komandanın son 7 turda cəmi 1 qələbə qazanması və ab-havanın yaxşı olmaması rəhbərliyi radikal addım atmağa vadar edib.

Futbolçu kimi Türkiyə futbolunda böyük iz buraxmış Şanlı məşqçi kimi hələ ki, özünü sübut edə bilmir. Əslən Sakaryadan olan 42 yaşlı Tuncay buna qədər 3 fərqli dönəmdə doğma məmləkətinin klubu olan ''Sakaryaspor''u çalışdırsa da, ciddi uğur qazana bilməmişdi. Qeyd edək ki, ''Ümraniyəspor'' bu ilin yanvarında direktorlar şurasının başına Nikolya Anelkanı gətirmişdi. Amma ünlü fransalı futbol adamı iyulun əvvəllərində klubun idarəçiliyini yıxıb-sürüyərək istefa vermişdi.

Tuncay isə baş məşqçi vəzifəsinə onun istefasından cəmi 1 həftə öncə gətirilmişdi. Yəni vaxtilə ''Fənərbaxça''da birlikdə top qovan bu iki ünlü isim ''Ümraniyəspor''da cəmi 1 həftə birlikdə çalışa bilmişdi.

ƏLİ