Bir tərəfdən Nikola Zalevskini ''Roma''dan qoparmağa çalışan ''Qalatasaray'' digər tərəfdən ''Ayntraxt''lı Erik Junior Dina Ebimbe ilə da danışıqları davam etdirirdi.

"Football-plus.az" xəbər verir ki, bu istedadlı fransalı futbolçu Türkiyəyə gələsi olmadı. İstanbul nəhəngi 23 yaşlı futbolçu üçün Frankfurt klubuna 10 milyon avro təklif etmişdi. Hətta klublar arasında razılıq da əldə olunmuşdu. Amma ''Qalatasaray'' rəsmilərinin bütün cəhdlərinə baxmayaraq futbolçunu razı salmaq mümkün olmadı. Dina Ebimbe Türkiyədə oynamaq istəmədi. Həm cinah, həm də mərkəz yarımmüdafiəçisi kimi oynamağı bacaran Dina Ebimbe
PSJ-nin yetirməsidi və 2022-də 6,5 milyon avroya ''Ayntraxt''a transfer olunub.

Bu klubda o indiyə qədər 73 rəsmi oyuna çıxaraq 13 qol, 6 məhsuldar ötürmə ilə fərqlənib. Almaniya təmsilçisi ilə 2027-yə qədər müqaviləsi olan Dina Ebimbenin indiki transfer dəyəri 12 milyon avro civarındadı. İndi ''Qalatasaray'' fanatları diqqətini yalnız Zalevskidən gələcək xəbərlərə yönəldib. Bu transfer hələ ki, baş tutmayıb. Türkiyədə yay transfer dönəmi sentyabrın 13-də saat 23.59-da bitəcək.

ƏLİ