Konfrans Liqasında ən yaxşı oyunçu seçildi

Konfrans Liqasında həftənin ən yaxşı futbolçusu müəyyənləşib.

"Football-plus.az" xəbər verir ki, bu nominasiyada Erik Junior Dina Ebimbe qalib gəlib. O, UEFA-nın saytında azarkeşlər arasında keçirilən sorğuda 1-ci yeri tutub.

“Ayntraxt”ın fransalı yarımmüdafiəçisi qrup mərhələsinin 3-cü turunun HİK ilə ev oyununda komandasının 6:0 hesablı qələbəsində 2 qol və 1 məhsuldar ötürmə ilə rol oynamışdı. Dina Ebimbe turun ən yaxşı oyunçusu adı uğrunda mübarizədə Mixa Zayts (Fənərbaxça), Yuqo Kuypers (Gent) və Lukas Beltranı (Fiorentina) arxada qoyub.