Filip Kostiç uğrunda mübarizədə ''Fənərbaxça''ya məğlub olan ''Qalatasaray''ın sol cinahda həm müdafiəçi, həm də yarımmüdafiəçi kimi oynaya biləcək futbolçu axtarışı davam edir.

Türkiyə çempionunun əsas diqqət mərkəzində saxladığı isim ''Roma''lı Nikola Zalevskidi. İstanbul nəhənginin qarşı tərəfə göndərdiyi təklifin detalları da məlum olub. İtaliya mətbuatının iddiasına görə ''Qalatasaray'' ''Roma''ya ''8+3'' milyon avroluq təklif göndərib. Futbolçunun özünə isə illik 2 milyon avro maaş olmaqla dördillik müqavilə təklif olunub.

Maraqlıdı ki, ''Roma''da illik 500 min avro qazanan Zalevski bu təklifə ''ağız büzüb'' və illik 2,5 milyon avro maaş tələb edib. Keçidin rəsmiləşməsinə mane olan məqam məhz budu. Danışıqlar davam edir.

Transfer dəyəri 12 milyon avro olan Zalevskinin ''Roma'' ilə müqaviləsinin müddəti gələn yay başa çatacaq. ''Roma''nın öz yetirməsi olan və 2021-dən etibarən əsas komandada çıxış etməyə başlayan Polşa yığmasının üzvü indiyə qədər 109 rəsmi oyuna çıxaraq 2 qol, 9 məhsuldar ötürmə ilə fərqlənib.

ƏLİ