''Qalatasaray''ın ''Zenit''in yarımmüdafiəçisi Vendelə maraq göstərməsi barədə xəbərlər var. Amma hələ ki, Türkiyə çempionu ilə Rusiya çempionu anlaşma əldə etməkdən çox uzaqdı.

Sankt-Peterburq təmsilçisi 26 yaşlı braziliyalı futbolçuya görə 20 milyon avro tələb edir. İstanbul nəhəngi bu məbləği ödəmək istəmədiyi üçün danışıqlar dayandırılmışdı. Amma sonradan ''Zenit''dən yeni təklif gəldi. Ruslar Vendel ilə Barış Alpər Yılmazın dəyişdirilməsini təklif etdilər. ''Qalatasaray'' rəhbərliyi isə bu təklifi müzakirə etmədən dərhal rədd etdi.

Həm hucumameyilli, həm də müdafiəyəmeyilli yarımmüdafiəçi kimi oynamağı bacaran Vendelə ''Barselona'' da ciddi maraq göstərir. ''Zenit''in 2020-ci ildə 20 milyon avroya ''Sportinq''dən transfer etdiyi ''sambaçı'' indiyə qədər Rusiya karyerasında meydana çıxdığı 124 rəsmi oyunda 20 qol, 25 məhsuldar ötürmə ilə fərqlənib.

ƏLİ