Sentyabrın 4-dən 5-nə keçən gecə “US Open”də bütün yarəmfinalçılar müəyyənləşdi.

Kişilərin turnirində Yannik Sinner Daniil Medvedevə, Cek Dreper Aleks De Minaura qalib gəldi. 23 yaçlı Sinner fəaliyyətdə olan tennisçilər arasında “Böyük dəbilqə” turnirlərinin hər birinin yarımfinalına vəsiqə qazanan 4-cü şəxsdi. İtaliyalı əvvəllər “Australian Open”, “Rolan Qarros” və “Uimbldon”un da yarımfinalında çıxış edib. Serb Novak Cokoviç, ispan Rafael Nadal və xorvat Marin Çiliç də belə uğura nail olub.

Dreperin qələbəsinin də özəlliyi var. Belə ki, o, 2012-ci ildən bəri “US Open”də yarımfinala adlayan ilk britaniyalıdı. Həmin il bunu Endi Marrey bacarmışdı. 1/4 finalın digər görüşlərində amerikalılar – Teylor Frits ilə Frensis Tiafo qələbə qazandı.
Qadınların turnirində də meydan sahibləri “at oynadır”. Emma Navarro və Cessika Pequla yarımfinala vəsiqə qazanıb. Digər yarımfinalçılar isə Arina Sobolenko ilə Karolina Muxovadı. Dünyanın 52-ci raketkası Muxovanın bu uğuru sürprizdi. Axı çexiyalı tennisçi cari mövsümdə “Böyük dəbilqə” turnirlərində indiyə qədər bir qələbə də qazanmamışdı. Ona qədər yalnız bir qadın tennisçi belə nəticə göstərməyi bacarıb. Söhbət 2020-ci ildə yarımfinala qədər irəliləyən amerikalı Cennifer Bredidən gedir.

Qadınların turnirində finalçılar da müəyyənləşdi. Yarımfinalda Sobolenko Navarrodan, Pequla Muxovadan üstün oldu. Yeri gəlmişkən, Pequla karyerasında ilk dəfə “Böyük dəbilqə” turnirinin finalında oynayacaq.

Kişilər
1/8 final
De Minaur (Avstraliya, 10) – Tompson (Avstraliya) 6:0, 3:6, 6:3, 7:5
Sinner (İtaliya, 1) – Pol (ABŞ, 14) 7:6 (7:3), 7:6 (7:5), 6:1
1/4 final
Sinner (İtaliya, 1) – Medvedev (Rusiya, 5) 6:2, 1:6, 6:1, 6:4
Dreper (B.Britaniya, 25) - De Minaur (Avstraliya, 10) 6:3, 7:5, 6:2
Frits (ABŞ, 12) - Zverev (Almaniya, 4) 7:6 (7:2), 3:6, 6:4, 7:6 (7:3)
Tiafo (ABŞ, 20) - Dimitrov (Bolqarıstan, 9) 6:3, 6:7 (5:7), 6:3, 4:1 imtina

yarımfinal
Sinner (İtaliya, 1) - Dreper (B.Britaniya, 25), Frits (ABŞ, 12) - Tiafo (ABŞ, 20) görüşləri gec başa çatıb.
Qadınlar
1/8 final
Sventek (Polşa, 1) - Samsonova (Rusiya, 16) 6:4, 6:1
1/4 final
Navarro (ABŞ, 13) - Badosa (İspaniya, 26) 6:2, 7:5
Sobolenko (Belarus, 2) - Çjen Sinven (Çin, 7) 6:1, 6:2
Pequla (ABŞ, 6) - Sventek (Polşa, 1) 6:2, 6:4
Muxova (Çexiya, 52) - Haddad Mayya (Braziliya, 22) 6:1, 6:4
yarımfinal
Sobolenko (Belarus, 2) - Navarro (ABŞ, 13) 6:3, 7:6 (7:2)
Pequla (ABŞ, 6) - Muxova (Çexiya, 52) 1:6, 6:4, 6:2