PSJ-yə sanksiya verilə bilər.

Fransa klubu keçmiş oyunçusu, hazırda “Real”da çıxış edən Kilian Mbappe ilə ödəniş mübahisəsinə görə bu mövsüm Çempionlar Liqasından kənarlaşdırıla bilər. “Le Monde”nin məlumatına görə, Mbappe Fransa Futbol Federasiyası vasitəsilə Fransa Peşəkar Liqası (FPL) və UEFA-nın hüquq komissiyasına müraciət edərək PSJ-dən köhnə müqaviləyə əsasən 55 milyon avro təzminat ödəməsini tələb edib.

FPL-in bu məsələyə qarışması PSJ üçün ciddi problem yarada bilər. Çünki təşkilat kluba transfer qadağası tətbiq etmək, həmçinin UEFA lisenziyasını ləğv etmək səlahiyyətinə malikdi. Bununla da PSJ Çempionlar Liqasından dərhal kənarlaşdırıla bilər. Məlumatda həmçinin qeyd edilir ki, UEFA yarışlarında iştirak edən hər hansı bir klub lisenziyalaşdırma mövsümündən əvvəl, fevralın 28-dən gec olmayaraq işçilərinə ödənilməmiş əmək haqqının olmaması barədə sübut təqdim etməlidi. Buna görə də PSJ UEFA-nın klub lisenziyası və maliyyə dayanıqlığı ilə bağlı qaydalarına əməl etmədiyi üçün 2024/25 mövsümü üçün UEFA klub lisenziyasını itirə bilər.

Qeyd edək ki, Mbappe bu yay PSJ-dən azad agent kimi ayrılaraq “Real”a keçib. O, PSJ-də 2017-ci ildən oynayırdı.